តើបណ្ណសន្យារ៉ាប់រងអាយុជីវិតខ្នាតតូច និងអត្ថប្រយោជន៍គ្រោះថ្នាក់ និងសុខភាពជាអ្វី?

ជីវិត​ពោរពេញ​ទៅ​ដោយភាពមិនប្រាកដប្រជា​ដែល​អាច​បង្ក​គ្រោះថ្នាក់ដល់អ្នក។ ភាពហេតុការណ៍ដែលមិនបានមើលឃើញទុកជាមុនទាំងនេះ តែងតែមកជាមួយបន្ទុកហិរញ្ញវត្ថុដ៏ច្រើន ដែលអាចប៉ះពាល់ដល់ថវិការបស់អ្នកយ៉ាងខ្លាំង។ ​

ស្ថានភាពនេះអាចចោទជាបញ្ហាដ៏ធំសម្រាប់គ្រួសារដែលមានប្រាក់ចំណូលទាប និងកសិករដែលធ្វើស្រែចម្ការខ្នាតតូច រស់នៅតាមជនបទ។ ជាពិសេស នៅពេលដែលមេគ្រួសាររងរបួស ឬមានជំងឺ វារឹតតែបង្កផលវិបាកដល់គ្រួសារទាំងមូល។ លើសពីនេះទៅទៀត វានឹងកាន់តែផ្ដល់ផលលំបាកសម្រាប់ប្រជាជនដែលរស់នៅក្នុងតំបន់ជនបទក្នុងការទទួលបានការថែទាំសុខភាពដែលពួកគេត្រូវការ។​

នៅ ហ្វតតេ យើងយល់ច្បាស់ពីសារៈសំខាន់នៃការត្រៀមខ្លួនសម្រាប់ស្ថានភាពមិនប្រាកដប្រជាទាំងនេះ។ ហេតុនេះហើយទើប បណ្ណសន្យារ៉ាប់រង អាយុជីវិតខ្នាតតូច និងអត្ថប្រយោជន៍ គ្រោះថ្នាក់ និងសុខភាព របស់ ហ្វតតេ ត្រូវបានបង្កើតឡើងដើម្បី ផ្ដល់ជូនការការពារផ្នែកហិរញ្ញវត្ថុដ៏សំខាន់ដល់គ្រួសារដែលមានប្រាក់ចំណូលទាប និងកសិករ។​ បណ្ណសន្យានេះ ផ្ដល់ការការពារ​ពីបញ្ហាសុខភាព ក៏ដូចជាគ្រោះថ្នាក់ ឬជំងឺ ដោយមានបុព្វលាភក្នុង​តម្លៃសមរម្យ។ ដោយមានបណ្ណសន្យានេះ លោកអ្នកអាចទទួលបានភាពស្ងប់ចិត្ត ដោយការទទួលបានការការពារផ្នែកសុខភាព។​​​