អំពី ហ្វតតេ

អំពី ហ្វតតេ

ការលះបង់ដ៏ស្មោះស្ម័គ្រ និងសេវាកម្មគ្មានគូប្រៀប

ក្រុមហ៊ុនធានារ៉ាប់រង ហ្វតតេ ផ្ដល់ជូនពិសេសនូវសេវាកម្មធានារ៉ាប់រងយ៉ាងទូលំទូលាយ ប្រកបដោយប្រសិទ្ធភាព និងធានាដល់ការបន្តជំរុញភាពរីកចម្រើន ព្រមទាំងជួយដល់ការអភិវឌ្ឍវិស័យធានារ៉ាប់រងនៅកម្ពុជាផងដែរ។

តាមរយៈជំនាញវិជ្ជាជីវៈដ៏ច្បាស់លាស់របស់យើងក្នុងវិស័យធានារ៉ាប់រងនេះ ធ្វើឲ្យយើងសាងនូវកេរ្តិ៍ឈ្មោះល្បីល្បាញប្រកបដោយភាពស្មោះត្រង់ និងសុចរិតភាព។ ដោយសារការទទួលស្គាល់នូវភាពខ្លាំង និងសេវាកម្ម ដែលយើងបានផ្ដល់ជូនដល់អតិថិជនធ្វើអោយ ហ្វតតេ ក្លាយជាក្រុមហ៊ុនមធានារ៉ាប់រងឈានមុខគេបំផុតនៅកម្ពុជា។

    

ប្រវត្តិរបស់ ហ្វតតេ

ប្រវត្តិរបស់ ហ្វតតេ

ក្រុមហ៊ុនហ្វតតេ បានបើកដំណើរការសេវាកម្មធានារ៉ាប់រងរបស់ខ្លួនក្នុងនាមជាក្រុមហ៊ុនជើងសាធានារ៉ាប់រងនៅរាជធានីភ្នំពេញនៅឆ្នាំ១៩៩៦ ហើយបានក្លាយទៅជាក្រុមហ៊ុនធានារ៉ាប់រងមួយក្នុងចំណោមក្រុមហ៊ុនធានារ៉ាប់រងដំបូងគេបង្អស់ដែលបានបង្កើតឡើងនៅប្រទេសកម្ពុជា។ នៅឆ្នាំ ១៩៩៨ យើងបានបើកការិយាល័យផ្ទាល់ខ្លួននៅរាជធានីភ្នំពេញដែលជាបេះដូងនៃព្រះរាជាណាចក្រកម្ពុជា។ ដោយមានការគាំទ្រពីក្រុមហ៊ុនធានារ៉ាប់រងបន្តធំៗនៅក្នុងតំបន់ និងជុំវិញពិភពលោក យើងបានចាប់ផ្ដើមដំណើរការក្នុងគោលបំណងផ្ដល់នូវការធានារ៉ា់ប់រងដ៏ទូលំទូលាយគ្រប់ហានិភ័យ នៅទូទាំងប្រទេសកម្ពុជា។

បច្ចុប្បន្ន ហ្វតតេ បានក្លាយជាក្រុមហ៊ុនធានារ៉ាប់រងឈានមុខគេ ធំបំផុត និងជាក្រុមហ៊ុនធានារ៉ាប់រងដែលទទួលបានការទទួលស្គាល់ភាគច្រើននៅក្នុងព្រះរាជាណាចក្រកម្ពុជា។ យ៉ាងណាក្តី  ក្រុមហ៊ុននៅតែបន្តឥតងាក់រេក្នុងការផ្ដោតសំខាន់លើចំនុចខ្លាំងរបស់ខ្លួនគឺតាមរយៈការផ្ដល់ជូននូវផលិតផល ក៏ដូចជាពង្រីកការយល់ដឹងអំពីសារប្រយោជន៍របស់សេវាធានារ៉ាប់រងដល់ប្រជាជនកម្ពុជាឲ្យកាន់តែមានភាពខ្លាំងខ្លារ និងដុះដាល។

យើងមើលឃើញថា អតិថិជន អាជីវកម្មធានារ៉ាប់រង​ ក៏ដូចជាប្រទេសកម្ពុជាទាំងមូល នឹងឈានទៅរកភាពជោគជ័យ និងស្ថិរភាពនាពេលអនាគត។

 

 

 

 

 

  

ធនធានមនុស្ស

ធនធានមនុស្ស

សេវាកម្មដ៏ពិសេស រាប់តាំងពីបុគ្គលិកថ្នាក់លើរហូតដល់ថ្នាក់ក្រោម

ចាប់ផ្ដើមកកើតដំបូងចេញពីក្រុមជំនាញដែលមានសមាជិកត្រឹម២០រូប បច្ចុប្បន្នក្រុមហ៊ុន ហ្វតតេ មានការចូលរួមពីវិសាលគមចម្រុះមកពីវិស័យផ្សេង និងជាបណ្តុំនៃអ្នកមានទេពកោសល្យផ្សេងៗពីគ្នា។ យើងចូលរួមកម្មវិធីជាច្រើនដើម្បីអភិវឌ្ឍក្រុមហ៊ុន និងបង្កើនសមត្ថភាពអ្នកជំនាញរបស់យើងជាបន្តបន្ទាប់។ ជាពិសេស យើងគឺជាក្រុមហ៊ុនធានារ៉ាប់រងតែមួយគត់នៅកម្ពុជាដែលផ្តល់ជូនដល់បុគ្គលិករបស់យើងនូវវគ្គបណ្តុះបណ្តាលកម្រិតខ្ពស់ដូចជា AMII និង ACII ដែលស្របតាមស្តង់ដារធានារ៉ាប់រងដែលមានការទទួលស្គាល់ទូទាំងសាកលលោក។ 

យើងជឿជាក់យ៉ាងមុតមាំថា បរិស្ថានការងារដែលមានភាពចម្រុះ និងវប្បធម៌ផ្សេងៗពីគ្នា នឹងជម្រុញឲ្យយើងអាចធ្វើការបានពោរពេញដោយសក្តានុពល។  ទស្សនៈវិស័យ និងបទពិសោធន៍ដ៏ប្លែកៗពីគ្នារបស់ពួកគេ រួមចំណែកដ៏សំខាន់ក្នុងការបន្តនូវភាពជោគជ័យប្រកបដោយចីរភាព។ ជារួម បុគ្គលិករបស់យើងទាំងអស់ ជាបុគ្គលដែលទុកចិត្ត ស្មោះត្រង់ និងធ្វើការប្រកបដោយប្រសិទ្ធិភាព។ ចំណេះដឹង និងបទពិសោធន៏របស់បុគ្គលិកយើង ជាកត្តាធ្វើឲ្យក្រុមហ៊ុនរីកចម្រើនជាបន្តបន្ទាប់ ក៏ដូចជាអាចផ្តល់ជូនលោកអ្នក នូវផលិតផល និងសេវាកម្មប្រកបដោយគុណភាពខ្ពស់។

    

ទំនួលខុសត្រូវកិច្ចការសង្គម

ទំនួលខុសត្រូវកិច្ចការសង្គម

ការតបស្នងដល់សង្គម

អត្ថន័យដ៏ធំធេងនៃទំនួលខុសត្រូវកិច្ចការសង្គម តែងជំរុញឲ្យក្រុមហ៊ុន ហ្វតតេ ផ្តល់នូវកិច្ចតបស្នងណាមួយដល់សង្គមដែលយើងរស់នៅ។ នៅក្នុងតួនាទីជាច្រើនដូចជាក្នុងនាមវិនិយោគិន ក្រុមហ៊ុនធានារ៉ាប់រង និយោជក និងអតិថិជន យើងមានការទទួលស្គាល់ចំពោះទំនួលខុសត្រូវរបស់យើងក្នុងកិច្ចសហការដៃគូជាមួយសហគមន៍ដែលយើងធ្វើប្រតិបត្តិការ។

យើងជឿថាការរួមចំណែកដល់ការអភិវឌ្ឍន៍ និងភាពជោគជ័យរបស់សហគមន៍ទាំងនេះ គឺជាមូលដ្ឋានគ្រឹះនៃភាពជោគជ័យរបស់យើង និងហើយយើងនឹងនៅបន្តផ្តល់ការលើកទឹកចិត្ត និងផ្តល់ជាធនធាន ដើម្បីជាចំណែកមួយក្នុងការជួយអភិវឌ្ឍន៍ទំនួលខុសត្រូវសង្គម។

ចាប់តាំងពីការចាប់ផ្តើមរបស់ខ្លួនក្នុងឆ្នាំ ១៩៩៩​ ក្រុមហ៊ុន ហ្វតតេ បានបង្កើតកម្មវិធីជួយសង្គម (CSR) ជាច្រើន ដូចជា៖

សហការជាមួយអង្គការក្រៅរដ្ឋាភិបាលរបស់ជប៉ុន OISCA អន្តរជាតិ​ ដើម្បីឧបត្ថម្ភគម្រោងបៃតងនានា និងការអភិវឌ្ឍន៍ធនធានមនុស្សនៅក្នុងវិស័យកសិកម្ម

បញ្ជូនជនជាតិខ្មែរពីររូបទៅប្រទេសជប៉ុនជារៀងរាល់ឆ្នាំ ដើម្បីចូលរួមវគ្គបណ្តុះបណ្តាលផ្នែកកសិកម្ម

រៀបចំកម្មវិធីព្រៃឈើកុមារ ដែលជាយុទ្ធនាការដាំដើមឈើដើម្បីអប់រំកុមារឲ្យយល់ដឹងពីសារប្រយោជន៍ នៃបរិស្ថានមួយប្រកបដោយនិរន្តរភាព។

ផ្តួចផ្តើមយុទ្ធនាការផ្លូវសុវត្ថិភាព ដែលសហការជាមួយអង្គការក្រៅរដ្ឋាភិបាល មេគង្គកម្ពុជា JCI ដើម្បីឧបត្ថម្ភមួកសុវត្ថិភាពចំនួន១០០០មួកទៅឲ្យសិស្សានុសិស្ស និងអ្នកជិះម៉ូតូ។