ផលិតផលបន្ថែមគ្រុបមេដប្រូ

តើផលិតផលបន្ថែម គ្រុបមេដប្រូ ផ្ដល់ អត្ថប្រយោជន៍អ្វីខ្លះ?

ជាមួយនឹងផលិតផលបន្ថែមមេដប្រូ បុគ្គលិករបស់អ្នក និងមនុស្សជាទីស្រលាញ់របស់ពួកគេអាចមានអារម្មណ៍ស្ងប់ចិត្ត ដោយដឹងថាពួកគេមានអាទិភាពទទួលបានអត្ថប្រយោជន៍ដូចខាងក្រោម៖

ថ្លៃសេវាបន្ទប់ គ្រែ និងអាហារប្រចាំថ្ងៃ

ថ្លៃសេវារថយន្តគិលានសង្គ្រោះបន្ទាន់

ថ្លៃសេវាព្យាបាលដោយសម្រាកក្នុងមន្ទីរពេទ្យ

អត្ថប្រយោជន៍ជាសាច់ប្រាក់សម្រាប់ការព្យាបាលដោយសម្រាកក្នុងមន្ទីរពេទ្យ

ថ្លៃសេវាវះកាត់ព្យាបាលដោយមិនសម្រាកក្នុងមន្ទីរពេទ្យ

ថ្លៃសេវាលាងឈាម

ថ្លៃសេវាព្យាបាលជំងឺមហារីកដោយមិនសម្រាកក្នុងមន្ទីរពេទ្យ

ថ្លៃសេវាព្យាបាលមុន និងក្រោយការព្យាបាលដោយសម្រាកក្នុងមន្ទីរពេទ្យ

ថ្លៃសេវាព្យាបាលសង្គ្រោះបន្ទាន់បណ្តាលមកពីគ្រោះថ្នាក់

អត្ថប្រយោជន៍ជាសាច់ប្រាក់សម្រាប់ការព្យាបាលដោយមិនសម្រាកក្នុងមន្ទីរពេទ្យ

ថ្លៃសេវាព្យាបាលផលវិបាកអំឡុងពេលស្ត្រីមានផ្ទៃពោះ

ថ្លៃសេវាព្យាបាលក្រៅពីផ្នែកវេជ្ជសាស្ត្រ

ករណីមិនធានា

ក្រុមហ៊ុនមិនធានាចំពោះស្ថានភាពជំងឺ ឬការព្យាបាលទាំងឡាយណារបស់អ្នកត្រូវបានធានារ៉ាប់រងអាយុជីវិតដែលបង្កឡើងដោយផ្ទាល់ ឬដោយប្រយោលដោយករណីដូចខាងក្រោម៖

រាល់បញ្ហាលើស្ថានភាពសុខភាពមុនពេលទិញធានារ៉ាប់រង លុះត្រាតែអ្នកត្រូវបានធានារ៉ាប់រងអាយុជីវិតត្រូវបានធានារ៉ាប់រងជាបន្តបន្ទាប់ដោយកិច្ចសន្យាធានារ៉ាប់រងនេះ ឬកិច្ចសន្យាធានារ៉ាប់រងលើថ្លៃសេវាព្យាបាលដោយសម្រាកក្នុងមន្ទីរពេទ្យ និងការវះកាត់ណាមួយផ្សេងទៀតស្រដៀងគ្នានឹង កិច្ចសន្យាបន្ថែមនេះរបស់ម្ចាស់បណ្ណសន្យារ៉ាប់រងជាមួយក្រុមហ៊ុនធានារ៉ាប់រងដទៃសម្រាប់រយៈពេលយ៉ាងហោចណាស់ 12 (ដប់ពីរ) ខែ ឬ
ការវះកាត់ ឬការព្យាបាល កែសម្ផស្ស ឬការព្យាបាលផលវិបាកនៃជំងឺនានា លើកលែងតែការព្យាបាលនោះទាក់ទងនឹងផលវិបាកអំឡុងពេលស្ត្រីមានផ្ទៃពោះ ការព្យាបាលដើម្បីជម្រុះរោម ឬសក់ ឬបណ្ដុះសក់ ការផ្លាស់ប្ដូរពណ៌ស្បែក ឬពណ៌ភ្នែក លើកលែងតែការវះកាត់កែសម្រួលមុខងារប្រើប្រាស់បន្ទាប់ពីទទួលរងគ្រោះថ្នាក់ ឬការព្យាបាលដែលត្រូវបានធានាដោយកិច្ចសន្យាធានារ៉ាប់រង ឬ
ការព្យាបាល ឬការវះកាត់សម្រាប់ភាពមិនប្រក្រតី ឬខូចរូបរាងខាងក្រៅពីកំណើត រួមបញ្ចូលទាំងជំងឺតំណពូជ ឬ
ការព្យាបាលដែលចាំបាច់ដែលបណ្ដាលមកពីផលប៉ះពាល់ពីសារធាតុវិទ្យុសកម្ម ជីវសាស្ត្រ ឬ សារធាតុគីមី ឬនៅពេលដែលអ្នកត្រូវបានធានារ៉ាប់រងអាយុជីវិតចូលរួមក្នុងទំនាស់សង្គ្រាម សកម្មភាពរបស់សត្រូវបរទេស ការឈ្លានពាន សង្គ្រាមស៊ីវិល បាតុកម្ម ការបះបោរ កុបកម្ម បដិវត្តន៍ ការផ្ដួលរលំរដ្ឋាភិបាលស្របច្បាប់ ការផ្ទុះអាវុធនៃសង្គ្រាម ឬព្រឹត្តិការណ៍ណាមួយដែលប្រហាក់ប្រហែលនឹងព្រឹត្តិការណ៍ដែលបានរៀបរាប់នេះ។ ទាំងនេះរាប់បញ្ចូលទាំងការព្យាបាលទាំងឡាយណាដែលបណ្ដាលមកពីការប្រឈមខ្លួនទៅនឹងហានិភ័យរបស់អ្នកត្រូវបានធានារ៉ាប់រងអាយុជីវិត ដូចជាទៅកាន់កន្លែងដែលមានចលាចលសង្គមមិនថាក្នុងនាមជាអ្នកឃ្លាំមើល ឬអ្នកសង្កេតការ។ សូមបញ្ជាក់ផងដែលថា ការធានានឹងផ្ដល់ជូនសម្រាប់ការព្យាបាលចាំបាច់ដែលបណ្ដាលមកពីភេវរកម្ម ក្នុងករណីដែលសកម្មភាពនេះ មិនបានបណ្ដាលឱ្យមានផលប៉ះពាល់ពី សារធាតុវិទ្យុសកម្ម ជីវសាស្រ្ត ឬសារធាតុគីមី ឬ
ការព្យាបាលដែលបណ្ដាលមកពីការចូលរួមក្នុងសកម្មភាពកងទ័ព ឬសកម្មភាពកីឡាអាជីព ឬ
ការប្រើប្រាស់ថ្នាំដែលមិនមានការទទួលស្គាល់ថាមានប្រសិទ្ធភាព ឬថ្នាំដែលស្ថិតនៅក្នុងកំឡុងពេលការធ្វើពិសោធនៅឡើយ។ នេះមានន័យថា ថ្នាំទាំងនោះត្រូវទទួលបានអាជ្ញាបណ្ណដោយភ្នាក់ងារឱសថអឺរ៉ុប ( the European Medicines Agency) ប្រសិនបើអ្នកត្រូវបានធានារ៉ាប់រងអាយុជីវិតទទួលការព្យាបាលនៅក្នុងសហភាពអឺរ៉ុប ឬពីរដ្ឋបាលផ្នែកឱសថ និងចំណីអាហារនៃសហរដ្ឋអាមេរិក (the US Food and Drug Administration (FDA)) ប្រសិនបើអ្នកត្រូវបានធានារ៉ាប់រងអាយុជីវិតទទួលការព្យាបាលនៅកន្លែងផ្សេងទៀតនៅក្នុងសកលលោក ហើយថ្នាំនោះត្រូវបានប្រើប្រាស់ក្នុងលក្ខខណ្ឌអាជ្ញាបណ្ណតែប៉ុណ្ណោះ ឬ
ការព្យាបាលដែលមិនមានការទទួលស្គាល់ថាមានប្រសិទ្ធភាព ឬ ការព្យាបាលដែលស្ថិតក្នុងការធ្វើពិសោធនៅឡើយ។ សម្រាប់ការព្យាបាលដែលមានការទទួលស្គាល់នេះមានន័យថា ជាដំណើរការ និងការអនុវត្តនានា ដែលបានឆ្លងកាត់ការសាកល្បង និងការវាយតម្លៃផ្នែកវេជ្ជសាស្រ្តយ៉ាងត្រឹមត្រូវ និងត្រូវបានផ្ដល់ភស្ដុតាងយ៉ាងគ្រប់គ្រាន់នៅក្នុងការបោះពុម្ភផ្សាយ ឬ ទស្សនាវត្តីវេជ្ជសាស្ត្រដែលបានបោះពុម្ពផ្សាយសម្រាប់គោលដៅជាក់លាក់មួយដែលចាត់ទុកថាជាការបង្ហាញពីការព្យាបាលយ៉ាងមានសុវត្ថិភាព និងមានប្រសិទ្ធភាព ឬ
ការព្យាបាលអោយមានកូន ការពន្យាកំណើត ឬការបង្អាក់កំណើត ឬគ្រាវ ឬការព្យាបាលក្នុងការពន្យាកំណើត ការកែភេទ អសមត្ថភាពផ្លូវភេទ ឬ
ការព្យាបាលដោយបុគ្គលដែលមិនមែនជាគ្រូពេទ្យ ឬគ្រូពេទ្យដែលមិនមានអាជ្ញាបណ្ណវិជ្ជាជីវៈ ត្រឹមត្រូវ ឬ
ការវះកាត់ព្យាបាលគភ៌ ឬទារកក្នុងផ្ទៃ ឬ
ចំណាយលើថ្លៃសេវាវេជ្ជសាស្ត្រដែលបង្កឡើងពី ឬដោយពាក់ព័ន្ធនឹងមេរោគអេដស៍ និង/ឬជំងឺដែលពាក់ព័ន្ធនឹងមេរោគអេដស៍ ដោយរាប់បញ្ចូលទាំងជំងឺអេដស៍ ឬរោគសញ្ញារបស់ជំងឺអេដស៍ និង/ឬ រោគសញ្ញានានាដែលបំលែងពីរោគសញ្ញានៃជំងឺអេដស៍នេះ ឬ
ចំណាយទាំងឡាយណាដែលមិនមែនសម្រាប់ការព្យាបាលជំងឺមានដូចជា ថ្លៃសេវាទូរស័ព្ទ ការជួលទូរទស្សន៍ សារព័ត៌មាន ផលិតផលផ្ដល់សំណើមស្បែក គ្រីម សំភារៈបន្ទប់ទឹក អាហារបំប៉ន វីតាមីន ថ្នាំដុសធ្មេញ ឬសាប៊ូ ឬ
ចំណាយមិនប្រក្រតី និងមិនសមហេតុផល ក្នុងតំបន់ដែលទទួលការព្យាបាល ឬ
ការព្យាបាលប្រឆាំងនឹងភាពធាត់ រួមមាន ការចង ឬការវះកាត់ទាក់ទងនឹងក្រពះ ការយកចេញនូវជាលិកា និងខ្លាញ់ដែលលើស ជាដើម ឬ
ការព្យាបាលដែលមិនមានភាពចាំបាច់ក្នុងវេជ្ជសាស្ត្រ ឬ
ការព្យាបាលដែលមិនតម្រូវឱ្យសម្រាកក្នុងមន្ទីរពេទ្យដោយរួមបញ្ចូលទាំងថ្នាំ និងការរុំរបួស ការពិគ្រោះជំងឺ និងការអង្កេតវិភាគជំងឺ រួមទាំងការពិនិត្យកំឡុងពេលមានផ្ទៃពោះ និងក្រោយពេលមានផ្ទៃពោះ លើកលែងតែការព្យាបាលដោយមិនសម្រាកនៅក្នុងមន្ទីរពេទ្យត្រូវបានជ្រើសរើសដូចបានបង្ហាញក្នុងតារាងតម្លៃបុព្វលាភធានារ៉ាប់រង ឬ
ការព្យាបាលជំងឺផ្លូវចិត្ត ទោះបីជាតម្រូវឱ្យចូលសម្រាកក្នុងមន្ទីរពេទ្យក៏ដោយ ឬ
ចំណាយថ្លៃសេវាវេជ្ជសាស្ត្រ ដែលកើតឡើងក្នុងរយៈពេលនៃការរង់ចាំ លើកលែងតែចំណាយថ្លៃសេវាវេជ្ជសាស្ត្រដែលកើតឡើងពីគ្រោះថ្នាក់ ក្នុងកំឡុងពេលនៃរយៈពេលរង់ចាំ ដោយអនុលោមទៅតាមករណីមិនធានាដទៃទៀត ឬ
ឧបករណ៍ជំនួយសរីរាង្គខាងក្រៅ (ឧបករណ៍សិប្បនិម្មិត) និងឧបករណ៍វេជ្ជសាស្រ្តសម្រាប់ ការប្រើប្រាស់រយៈពេលយូរក្នុងការព្យាបាលជំងឺ និងឧបករណ៍ពាក់ព័ន្ធនានា ក្រៅពីឧបករណ៍ទាំងឡាយណាដែលជាផ្នែកនៃដំណើរការវះកាត់ និងរួមបញ្ចូលក្នុងការព្យាបាល ឬ
ចំណាយលើការទទួលសរីរាង្គ ឬជាលិកាពីការបរិច្ចាគ ឬចំណាយរដ្ឋបាលដែលពាក់ព័ន្ធណាមួយ (ដូចជាចំណាយលើការស្វែងរកការបរិច្ចាគ ឬចំណាយពាក់ព័ន្ធផ្សេងៗទៀត) ឬ
ចំណាយបន្ថែមសម្រាប់ការទទួលបានរបាយការណ៍វេជ្ជសាស្ត្រ ឬការដាក់ពាក្យស្នើសុំទាមទារសំណង ឬចំណាយរដ្ឋបាលផ្សេងៗទៀត ឬ
ការព្យាបាលគ្រឿងញៀន (ដូចជា ការញៀនគ្រឿងស្រវឹង ការញៀនថ្នាំ ឬសារធាតុញៀន) ឬការប្រើប្រាស់សារធាតុញៀននានាលើសចំណុះ (ដូចជា ការប្រើប្រាស់គ្រឿងស្រវឹងលើសចំណុះ ឬការប្រើប្រាស់ថ្នាំញៀន ឬសារធាតុញៀនលើសចំណុះ) ឬតម្រូវការព្យាបាលជំងឺ ឬរបួសនានា ដែលបង្ករឡើងពីការប្រើប្រាស់គ្រឿងស្រវឹងលើសចំណុះ ឬការញៀន មិនថាដោយផ្ទាល់ ឬដោយប្រយោលឡើយ ឬ
ការមានផ្ទៃពោះ ការរំលូតកូន ការរលូតកូនមិនបណ្ដាលមកពីគ្រោះថ្នាក់ក្នុងអំឡុងពេលរង់ចាំ វិធីសាស្ត្រពន្យារកំណើតដោយឧបករណ៍ ឬថ្នាំពន្យារកំណើត ឬការព្យាបាលទាក់ទងនឹង ភាពគ្មានកូន ឬ
ការប៉ុនប៉ងធ្វើអត្តឃាត ឬការបង្កឱ្យរងរបួសខ្លួនឯងដោយចេតនា ទោះជាមាន ឬមិនមានវិបត្តិ ផ្នែកបញ្ញាស្មារតីក្តី ឬ
ការអង្កេតវិភាគជំងឺ និងការព្យាបាលទាក់ទងនឹងបញ្ហាដំណេក ការគេងស្រមុក និងការព្យាបាលដោយអរម៉ូនជំនួស ឬ
ការព្យាបាលដែលមិនតម្រូវឱ្យបង់ប្រាក់ ឬដែលត្រូវបានទូទាត់សំណងដោយកិច្ចសន្យាធានារ៉ាប់រងដទៃទៀត ឬសំណងដែលបានផ្ដល់ជូនអ្នកត្រូវបានធានារ៉ាប់រងអាយុជីវិត បណ្តាលមកពីការបំពេញកាតព្វកិច្ចនៃការងារ ឬអាជីព ដែលត្រូវបានធានាដោយធានារ៉ាប់រងសុខភាពសម្រាប់កម្មករ/និយោជិត ឬ
ការហោះហើរឯកជន ឬ
សកម្មភាពខុសច្បាប់ និងជាឧក្រិដ្ឋកម្ម។