លោក ព្រូ ស៊ីថន ជាអគ្គនាយក នៃ ក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍
លោក ស៊ីថន គឺជាអ្នកដឹកនាំម្នាក់ក្នុងចំណោមអ្នកដឹកនាំដទៃដែលបានត្រួសត្រាយផ្លូវសម្រាប់វិស័យធានារ៉ាប់រងអាយុជីវិតកាលពីឆ្នាំ២០១២ នៅពេលដែលលោកចាប់ផ្តើមការងារនៅក្រុមហ៊ុន មេនូឡាយហ្វ៍ ខេមបូឌា ក្នុងតួនាទីជា នាយកប្រតិបត្តិផ្នែកច្បាប់ រួចបន្តជានាយកប្រតិបត្តិ ផ្នែកចែកចាយតាមដៃគូធនាគារ។ លោកក៏ត្រូវបានគេចាត់ទុកថា ជាបុគ្គលដែលមានការទទួលស្គាល់ច្រើន ក្នុងសហគមន៍សេវាកម្មហិរញ្ញវត្ថុទាំងមូលផងដែរ ដោយសារតែភាពសកម្មរបស់លោកក្នុងការចែករំលែកបទពិសោធន៍ ល្អៗ ទៅកាន់មនុស្សជំនាន់ក្រោយ និងលើកកម្ពស់ការយល់ដឹងអំពីការធានារ៉ាប់រងរបស់ប្រជាជនទូទៅ។ លើសពីនេះ លោកជាថ្នាក់ដឹកនាំឈានមុខដែលចូលរួមលើកកម្ពស់វិស័យធានារ៉ាប់រងមួយនេះ កំឡុងពេលដែលលោកកំពុងបម្រើការងារជាប្រធានគណៈកម្មាធិការអប់រំ នៅសមាគមធានារ៉ាប់រងកម្ពុជាផងដែរ។
ក្រៅពីនោះ លោកបានទទួលពានរង្វាន់ Young Leader of the Year ពី Asia Insurance Review និង 40 Under 40 សម្រាប់ Asia’s Outstanding Legal Professionals ពី Asian Legal Business ។ កាលពីឆ្នាំ 2020 លោកស៊ីថន ក៏ត្រូវបានព្រះមហាក្សត្រ ទ្រង់ព្រះប្រទានគ្រឿងឥស្សរិយយស ថ្នាក់ព្រះរាជាណាចក្រកម្ពុជា ថ្នាក់មហាសេនា ។
លោក ហុង ប៊ុនហួ ជានាយកប្រតិបត្តិហរិញ្ញវត្ថុ និងជាលេខាធិការផ្នែកសាជីវកម្ម នៃក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍ ។
ជាមួយនឹងបទពិសោធន៍ជាង ១៦ ឆ្នាំ នៅក្នុងវិស័យធានារ៉ាប់រង បច្ចុប្បន្នលោកគ្រប់គ្រងផ្នែកហិរញ្ញវត្ថុ-គណនេយ្យ ផ្នែកធនធានមនុស្ស-រដ្ឋបាល និងផ្នែកពត៌មានវិទ្យា ព្រមទាំងផ្នែក គណនាវាយតម្លៃហានិភ័យធានារ៉ាប់រង និងការវិនិយោគ នៃអាជីវកម្មរបស់ក្រុមហ៊ុនផងដែរ ។ លោកបាន ចាប់ផ្តើមការងារជាមួយក្រុមហ៊ុន ហ្វតតេ នៅក្នុងឆ្នាំ ២០០៦ ជាជំនួយការរដ្ឋបាល បន្ទាប់ មក លោកត្រូវបានផ្ទេរទៅផ្នែកហិរញ្ញវត្ថុ និងត្រូវបានតម្លើងតំណែងជាអ្នកគ្រប់គ្រងនៅក្នុងផ្នែក ហិរញ្ញវត្ថុ និងគណនេយ្យជាបន្តបន្ទាប់ មុនពេលដែលលោកចូលរួមក្រុមស្នូលក្នុងការបង្កើតក្រុមហ៊ុនធានារ៉ាប់រងខ្នាតតូច ហ្វតតេ ម៉ាយក្រូអ៉ិនសួរ៉ិនស៍ និងជានាយកនាយកដ្ឋានហិរញ្ញវត្ថុ ធនធានមនុស្ស និងរដ្ឋបាល ។ លោកក៏បានដើរតួយ៉ាងសំខាន់ផងដែរក្នុងការបង្កើតក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍ កាលពីឆ្នាំ២០១៩ដោយបានវិវត្តន៍ពីអាជិវកម្មធានារ៉ាប់រងខ្នាតតូច ។
លោកបានបញ្ចប់ថ្នាក់អនុបណ្ឌិតពីសាកលវិទ្យាល័យន័រតុន និង បរិញ្ញបត្រ ផ្នែកគណនេយ្យពីសាកលវិទ្យាល័យជាតិគ្រប់គ្រង (NUM) ព្រមទាំងសញ្ញាបត្រផ្នែកច្បាប់ពាណិជ្ជកម្មកម្ពុជា និងពន្ធដារពីសាលា CamEd Business School ។ បច្ចុប្បន្នគាត់កំពុងបន្តការសិក្សា ACCA Qualification ផងដែរ។
លោក ជៀប សុភ័ក្រ ជានាយកប្រតិបត្តិផ្នែកភាពជាដៃគូអាជីវកម្ម នៃក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍ ។
សុភ័ក្របានដើរតួនាទីយ៉ាងសំខាន់ក្នុងវិស័យធានារ៉ាប់រងអាយុជីវិតនៅក្នុងប្រទេសកម្ពុជាចាប់តាំងពីការបង្កើតឡើងក្នុងឆ្នាំ ២០១២ ។ គាត់បានចូលរួមជាមួយក្រុមហ៊ុន ហ្វតតេ ក្នុងឆ្នាំ ២០១៩ ហើយមានទំនួលខុសត្រូវក្នុងការជំរុញអាជីវកម្មដោយបង្កើត និងបង្កើនបណ្តាញចែកចាយដ៏រឹងមាំដែលត្រូវនឹងតម្រូវការក្នុងស្រុករួមមាន បុគ្គល គ្រួសារ ក្រុមហ៊ុន អង្គការក្រៅរដ្ឋាភិបាល បុគ្គលិក ការគ្រប់គ្រងតាមរយៈបណ្តាញចែកចាយ ការលក់តាមរយៈភ្នាក់ងារ, បណ្ណសន្យាគាំពារជាក្រុម, បែងកាសូរិន, ការលក់បែបឌីជីថល ក៏ដូចជាប្រភពផ្សេងទៀតនៃដៃគូសក្តានុពល ។
មុនពេលចូលរួមជាមួយ ហ្វតតេ ឡាយហ្វ៍ លោកបានដឹកនាំក្រុមចែកចាយអាជីវកម្ម និងភ្នាក់ងារលក់នៅក្រុមហ៊ុន Manulife ។ លោកមានបទពិសោធន៍គ្រប់គ្រងជាន់ខ្ពស់ជាង ១៥ ឆ្នាំលើផ្នែកធានារ៉ាប់រង សេវាកម្មហិរញ្ញវត្ថុ ការអប់រំ ការប្រឹក្សាយោបល់ និងឧស្សាហកម្មអចលនទ្រព្យ ។ គាត់ទទួលបានសញ្ញាបត្រ MBA ហើយបច្ចុប្បន្នក៏ជាដៃគូប្រចាំប្រទេសជាមួយ FasterCapital ដែលជាអ្នកបង្កើតកម្មវិធីអនឡាញ និងជាអ្នកអភិវឌ្ឍអាជីវកម្មទើបចាប់ផ្តើម ។
លី សំណាង ជានាយកផ្នែកប្រតិបត្តិការក្រុមហ៊ុនធានារ៉ាប់រងអាយុជីវិតហ្វតតេ ឡាយហ្វ៏
លោក លី សំណាង ជាអ្នកដឹកនាំម្នាក់ក្នុងចំណោមអ្នកជំនាញបរទេសជាច្រើនដែលបានចូលរួមកសាងក្រុមហ៊ុន PRUDENTIAL (Cambodia) នៅឆ្នាំ២០១២ និង AIA (Cambodia) នៅឆ្នាំ២០១៦។ ក្រោមការគ្រប់គ្រងរបស់គាត់ គាត់បានបង្កើតបានប្រត្តិបត្តិការយ៉ាងរឹងមាំដ៏មានប្រសិទ្ធភាពដោយចាប់ផ្តើមពីចំនុចសូន្យរហូតដល់មានស្ថេរភាពលំនឹងល្អ។ គាត់ក៏មានការតាំងចិត្តខ្ពស់សំរាប់ផ្តល់បទពិសោធន៏ល្អបំផុតជូនប្រជាជនកម្ពុជា។
មុនពេលចូលក្នុងវិស័យធានារ៉ាប់រង គាត់បានចាប់ផ្តើមការងារជាវេជ្ជបណ្ឌិតរយៈពេល២ឆ្នាំ និងបន្តជា Assistant Manager of WALGREEN Pharmacy (USA) រយៈពេល៣ឆ្នាំ ។ នៅឆ្នាំ២០១២ គាត់បានចូលរួមជាមួយក្រុមហ៊ុន PRUDENTIAL (Cambodia) ជាប្រធានរយៈពេលជិត៥ឆ្នាំ (២ឆ្នាំបម្រើការនៅប្រទេសវៀតណាម ក្រុងហូជីមីង និង ហានូយ និង ជិត៣ឆ្នាំក្នុងប្រទេសកម្ពុជា) ផ្តោតសំខាន់ទៅលើ ដំណើរការប្រត្តិបត្តការនិងផលិតផលធានារ៉ាប់រងជីវិត។ បន្ទាប់មកក្នុងឆ្នាំ២០១៦ គាត់បានផ្លាស់មកចូលរួមជាមួយ AIA (Cambodia) និងចំណាយរយៈពេល៧ឆ្នាំក្នុងតំណែង Head of New Business, Underwriting & Claim និង បានបំពេញការងារនៅប្រទេស Malaysia អស់រយៈពេលជាច្រើនខែមុនពេលត្រលប់មកប្រទេសកម្ពុជាវិញ។ ក្រោមការដឹកនាំយ៉ាងយកចិត្តទុកដាក់របស់គាត់បានធ្វើអោយក្រុមហ៊ុន AIA (Cambodia) ផ្នែកប្រត្តិបត្តការបានធ្វើការអភិវឌ្ឌខ្លួនយ៉ាងឆាប់រហ័សគួរអោយកត់សំគាល់និងបានផ្តល់ការយកចិត្តទុកដាក់បំផុតចំពោះអតិថិជនយ៉ាងខ្លាំង។
រយៈពេលបំពេញការងារកន្លងមក គាត់បានទទួលបទពិសោធន៏ជាច្រើនពីក្រុមហ៊ុនផ្សេងៗនិងពីប្រទេសផ្សេងៗដូចជា៖ USA, Vietnam & Malaysia & Cambodia បន្ថែមលើសពីនោះ គាត់បានបញ្ចប់សញ្ញាប័ត្រផ្នែក វេជ្ជបណ្ឌិត និង អាជីវកម្ម។ លើសពីនោះទៅទៀត គាត់បានទទួលស្គាល់ជា Chief of Underwriting and Chief of Claim នៅឆ្នាំ២០១៧ ពីស្ថាប័ន Singapore & Hong Kong ។
លោក លឹម លីហួរ ជានាយកប្រតិបត្តិគ្រប់គ្រងទីប្រឹក្សានៃក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៏
លោក លីហួរ ជាថ្នាក់ដឹកនាំជាន់ខ្ពស់ ដែលមានបទពិសោធន៍ផ្នែកចែកចាយចំនួន ២១ ឆ្នាំ ៖ ជិត១០ឆ្នាំក្នុងវិស័យធានារ៉ាប់រងអាយុជីវិត និងជាង១០ឆ្នាំនៅក្នុងវិស័យផ្សេងៗដូចជា FMCG, ថ្នាំជក់ និងសៀវភៅអាន។ មុនបម្រើការនៅក្រុមហ៊ុនធានារ៉ាប់រងអាយុជីវិត ហ្វតតេ ឡាយហ្វ៍ លោកគឺជានាយកផែនការយុទ្ធសាស្រ្ត និងអភិវឌ្ឍន៍នៃអាជីវកម្មនៅក្នុងនាយកដ្ឋានចែកចាយភាពជាដៃគូរបស់ក្រុមហ៊ុន AIA Cambodia ។ ក្រោមការគ្រប់គ្រងរបស់លោកលីហួរ គាត់បានផ្តល់យុទ្ធសាស្ត្រសម្រាប់នាយកផ្នែកលក់តាមធនាគារទាំងអស់ជាពិសេស ធនាគារកម្ពុជាសាធារណ(Cambodia Public Bank) និងធនាគារព្រីនស៍(Prince Bank) ហើយលោកក៏បានជំរុញ និងដឹកនាំអាជីវកម្មដោយផ្ទាល់ជាមួយដៃគូមួយទៀតគឺ ប្រៃសណីយ៍កម្ពុជា ដោយបានសម្រួច ទំនាក់ទំនងជាមួយភាគីពាក់ព័ន្ធទាំងខាងក្នុង និងខាងក្រៅ។ លោក លីហួរ ក៏ធ្លាប់ជានាយកជាន់ខ្ពស់ផ្នែក ប៊ែងការសួរិន(Bancassurance) នៅក្រុមហ៊ុន Manulife Cambodia ផងដែរ។ លោក លីហួរ បានដឹកនាំភាពជាដៃគូជាមួយធនាគារស្ថាបនា(Sathapana Bank)តាំងពីដំបូង ហើយ ធនាគារស្ថាបនាក្លាយជាធនាគារ ដែលមានបុព្វលាភខ្ពស់ចំនួនពីរឆ្នាំជាប់គ្នា នៅឆ្នាំ២០២០ និង២០២១។ គាត់បានកសាងទំនាក់ទំនងយ៉ាងរឹងមាំជាមួយដៃគូធនាគារ និងបុគ្គលិកសំខាន់ៗ ហើយគាត់បានកសាងក្រុមការងាររបស់គាត់ចាប់ពី ១នាក់ ដល់ជាង ២០០នាក់ ក្នុងរយៈពេល៥ឆ្នាំ។ មុនពេលផ្លាស់ទៅផ្នែក Bancassurance លោក លីហួរ បានធ្វើការនៅក្នុងនាយកដ្ឋានទីប្រឹក្សា ដោយមានភារកិច្ចដូចជា ការដឹកនាំភាពជាដៃគូជាមួយធនាគារឯកទេសវីង(Wing Specialized Bank) និងទទួលបន្ទុកផ្នែកលក់ Group Life & បង្កើតSatellite Office អស់រយៈពេលជិត ២ ឆ្នាំ។