សេវាធានារ៉ាប់រងសាជីវកម្ម

តើសេវាធានារ៉ាប់រងយានយន្តជាអ្វី?

សេវាធានារ៉ាប់រងយានយន្តរបស់ក្រុមហ៊ុន ហ្វតតេ ជួយការពារមនុស្សជាទីស្រឡាញ់របស់អ្នក និងសុវត្ថិភាពយានយន្ត ក្នុងករណីជួបគ្រោះថ្នាក់ចរាចរណ៍ដោយចៃដន្យ​ ចោរកម្ម ឬអគ្គិភ័យឆាបឆេះជាដើម។ មិនថាលោកអ្នកធ្វើដំណើរដើម្បីធ្វើជំនួញអាជីវកម្ម ឬកម្សាន្ត ឬ ក្នុងករណីយានយន្តលោកអ្នកចតចោលយ៉ាងណាក្ដី លោកអ្នកអាចកាត់បន្ថយហានិភ័យសម្រាប់ការចំណាយជួសជុល ឬសំណងផ្សេងៗ។ ប្រសិនបើយានយន្តលោកអ្នកជួបនឹងគ្រោះថ្នាក់ លោកអ្នកនឹងទទួលបានការធានាក្នុងការទូទាត់សំណងរាល់ការខូចខាត ឬក្នុងហេតុកាណ៍បាត់បង់ ឬដោយអគ្គិភ័យឆាបឆេះជាដើម។

តើសេវាធានារ៉ាប់រងនេះផ្ដល់ការធានាលើអ្វីខ្លះ?

សេវាធានារ៉ាប់រងរបស់យើង ផ្តល់នូវការធានាកាន់តែទូលំទូលាយ និងជម្រើសតម្លៃសម្រាប់ជ្រើសរើសធានារ៉ាប់រងមួយដែលសក្ដិសមបំផុតសម្រាប់លោកអ្នក។ យើងមានទាំងកញ្ចប់ “ការធានាជាមូលដ្ឋាន” តម្លៃសមរម្យសម្រាប់ការធានាកម្រិតស្ដង់ដារ រហូតដល់កញ្ចប់សេវា​ “ធានាគ្រប់ហានិភ័យ” ដែលយើងអាចរៀបចំជូននូវកញ្ចប់ គម្រោងសេវាមួយដែលមានភាពបត់បែន​ មានន័យថាលោកអ្នកអាចបង់ប្រាក់សម្រាប់ប្រភេទនៃការធានា ដែលលោកអ្នកត្រូវការ

• ការធានាជាមូលដ្ឋាន  

ការធានាទទួលខុសតូ្រចំពោះតតិយជន ជួយការពារលោកអ្នកក្នុងករណីបង្កគ្រោះថ្នាក់បណ្ដាលឲ្យរបួសរាងកាយអ្នកដទៃ ឬ ខូចខាតរថយន្តអ្នកដទៃ ឬ ទ្រព្យសម្បត្តិផ្សេងៗទៀតអំឡុងពេលកំពុងបើកបរ។ លោកអ្នកក៏អាចមានសិទ្ធិទទួលបានថវិការហូតដល់ ១៥០០ដុល្លារ សម្រាប់ដោះស្រាយសំណងផ្លូវច្បាប់ទៀតផង។

• សេវានារ៉ាប់រងគ្រប់ហានិភ័យ

កញ្ចប់ធានារ៉ាប់រងគ្រប់ហានិភ័យ មាន​លក្ខណះបត់បែនទៅតាមតម្រូវការដើម្បីផ្ដល់ជូននូវការធានាកម្រិតអតិបរមា ប្រសិនបើករណីយានយន្តរបស់លោកអ្នកត្រូវចោរលួច ឬ ខូចខាតដោយចៃដន្យជាដើម ក៍ដូចជាការការពារលោកអ្នកពីការទាមទារសំណង ដោយភាគីដទៃផងដែរ។ លក្ខណៈដ៍ទូលំទូលាយនៃសេវារ៉ាប់រងគ្រប់ហានិភ័យ  អាចធានាលើការទទួនខុសត្រូវចំពោះអ្នករួមដំណើរ ករណីចោរលួច អគ្គិភ័យឆាបឆេះ បាតុកម្ម កុបកម្ម ចលាចលសង្គម និងខូចខាតដោយសារទឹកជំនន់ផងដែរ។

ក្រុមការងារ RED Team

ក្រុម RED​ Team (Rapid Emergency Dispatch) ជាសេវាកម្មបន្ថែម សម្រាប់អ្នកមានប័ណ្ណសន្យារ៉ាប់រងយានយន្ត ហ្វតតេ ដែលផ្តល់នូវជំនួយបន្ទាន់​ ក្នុងអំឡុងពេលជួបឧបទ្ទវហេតុគ្រោះថ្នាក់។​

ប្រសិនបើលោកអ្នកមានបញ្ហាគ្រោះថ្នាក់ចរាចរណ៍ សូមហៅទូរស័ព្ទមកកាន់សេវាបន្ទាន់បម្រើអតិថិជន ២៤ ម៉ោង តាមរយះលេខ ០២៣ ៨៨៨ ០៨០ សម្រាប់សុំជំនួយទូទាំងប្រទេស។ ក្រុម RED​ Team ធានាថានឹងទៅដល់គោលដៅលោកអ្នកក្នុងរយៈពេល ៣០នាទី ប្រសិនបើស្ថិតនៅទីតាំងរាជធានីភ្នំពេញ សៀមរាប បាត់ដំបង និងកំពង់ចាម។

ក្រុម RED Team ត្រូវបានបណ្តុះបណ្តាលឡើងដើម្បីធានាជូនលោកអ្នកនូវការមើលខុសត្រូវលោកអ្នកក្នុងស្ថានភាពក្រោយគ្រោះថ្នាក់។ សេវាកម្មយើងខ្ញុំមានដូចជា៖

* លេខប័ណ្ណសន្យារ៉ាប់រងរបស់លោកអ្នក ឬស្លាកលេខរថយន្ត។
* ទីតាំងកើតហេតុពិតប្រាកដ​ ដោយបញ្ជាក់ពីលក្ខណៈដែលអាចសម្គាល់បានដូចជា អគារ ឬសំណង់ និមិត្តរូប ឈ្មោះផ្លូវ ឬផ្លូវប្រសព្វ ក៏ដូចជាលេខទូរស័ព្ទរបស់លោកអ្នក ឬ លេខទូរស័ព្ទអ្នកបើកបរ រថយន្តជាដើម។ ដូច្នេះក្រុមការងារ RED Team របស់យើងខ្ញុំ នឹងអាចរកឃើញលោកអ្នក យ៉ាងងាយស្រួល។
* លិខិតបើកបរ វិញ្ញាបនបត្រធានារ៉ាប់រងរបស់លោកអ្នក និង ស្លាកលឿងដែលបានបិទជាប់ នឹងកញ្ចក់រថយន្តរបស់លោកអ្នកសម្រាប់ក្រុមការងារ Red​ Team របស់យើងខ្ញុំនឹងធ្វើការពិនិត្យផ្ទៀងផ្ទាត់លម្អិត។

សម្រាប់ជំនួយបន្ថែម សូមទូរស័ព្ទសេវាបម្រើអតិថិជនយើងខ្ញុំដែលមានលេខ ០២៣ ៨៨៨ ០៨០ (ជាភាសាខ្មែរ អង់គ្លេស និងចិន)

 តើធានារ៉ាប់រងពី ហ្វតតេ ទទួលបានអត្ថប្រយោជន៍អ្វីទៀត?

• ការបញ្ចុះតម្លៃពិសេស
• ការបញ្ចុះតម្លៃសម្រាប់ករណីមិនធ្លាប់បង្កគ្រោះថ្នាក់
• សេវាកម្មជួសជុលជាទីទុកចិត្ត
• ការធានាលើកញ្ចក់យានយន្ត

សម្រាប់ព័ត៌មានបន្ថែម សូមទូរស័ព្ទទៅលេខ​​ ០២៣ ៨៨៥ ០៧៧ ថ្ងៃនេះ!

បច្ចុប្បន្នមាននិន្នាការកាន់តែច្រើន បង្ហាញឲ្យដឹងពីកំណើនហានិភ័យក្នុងការខាតបង់ដែលកើតឡើងពីអំពើទុច្ចរិតក្លែងបន្លំ ក៏ដូចជាបទឧក្រិដ្ឋក្នុងសេចក្ដីណែនាំហិរញ្ញវត្ថុដែលកើតឡើងដោយសារបុគ្គលិកផ្ទាល់ហើយភាគីតតិយជនទាំងនេះនឹងនាំឲ្យប៉ះពាល់ដល់ស្ថាប័នហិរញ្ញវត្ថុ។

ហានិភ័យ
រាល់ស្ថាប័នហិរញ្ញវត្ថុដែលបានប៉ះពាល់ទៅនឹងហានិភ័យនៃសកម្មភាពឧក្រិដ្ឋទាំងក្នុងស្ថាប័ន និងក្រៅស្ថាប័ន។ ការខាតបង់អាចបង្កផលប៉ះពាល់អន្តរាយទៅលើតារាងតុល្យការរបស់ស្ថាប័នហិរញ្ញវត្ថុរបស់ខ្លួន។

ដំណោះស្រាយ
អង្គភាពសេវាជំនាញធានាហិរញ្ញវត្ថុនៃផ្នែកជំនាញឯកទេសរបស់ ហ្វតតេ មានជំនាញច្បាស់លាស់ក្នុងការផ្ដល់ជូនស្ថាប័នហិរញ្ញវត្ថុនូវសេវាធានារ៉ាប់រងកម្រិតខ្ពស់ដើម្បីការពារទប់ស្កាត់ផលប៉ះពាល់នៃការ ខាតបង់ដោយបទឧក្រិដ្ឋដែលបង្កជាមហន្តរាយដ៏ធំធេង ជាពិសេសសម្រាប់ហានិភ័យដោយសារភាពមិនស្មោះត្រង់របស់បុគ្គលិក ហានិភ័យក្នុងបរិវេណស្ថាប័ន ហានិភ័យក្នុងការផ្ទេរ ការក្លែងបន្លំ ឧក្រិដ្ឋកម្មតាមអេឡិចត្រូនិក និងកុំព្យូទ័រ ហានិភ័យការលួចប្រាក់តាមអេធីអឹមជាដើម។

ប័ណ្ណសន្យារ៉ាប់រងលើស៊ីទែនស្ដុកឥន្ធនៈ និងគ្រឿងម៉ាស៊ីន ផ្តល់នូវការធានាចំពោះការបាត់បង់កាយសម្បទាដោយចៃដន្យភ្លាមៗ ឬការខូចខាតគ្រឿងម៉ាស៊ីន និងសម្ភារបរិក្ខារផ្សេងៗ។ យើងផ្តល់ជូននូវសេវាធានារ៉ាប់រងនេះសម្រាប់អាជីវកម្មគ្រប់កម្រិត រួមទាំងការធានារ៉ាប់រងកម្រិតមិនប្រើថាមពល និងការរស់នៅកាន់កាប់ដែលទាក់ទងជាមួយសេវាកម្មធានារ៉ាប់រងលើអចលនទ្រព្យរបស់យើង។

យើងអាចធានាចំពោះការខាតបង់ដែលជាធម្មតាត្រូវបានរាប់បញ្ចូលក្នុងប័ណ្ណសន្យារ៉ាប់រងលើអចលនទ្រព្យ។ ចំណុចនេះក៏រួមបញ្ចូលទាំងការផ្ទុះចំហាយឧស្ម័ន ការខូចខាតមេកានិក និងអគ្គិសនីជាដើម។

 ការខូចខាតគ្រឿងម៉ាស៊ីន

ប័ណ្ណសន្យារ៉ាប់រងនេះ ធានាចំពោះការខូចខាតដែលអាចស្មានទុកជាមុនភ្លាមៗលើគ្រឿងម៉ាស៊ីនដែលមានធានារ៉ាប់រងគ្រប់ករណីមិនថាពេលដែលវាស្ថិតនៅកន្លែងការងារ ឬទុកចោល និង/ឬ ពេលត្រូវរុះរើ ផ្លាស់ប្តូរ ឬដំឡើងជាថ្មីវិញដើម្បីសំអាត ត្រួតពិនិត្យ ជួសជុល ឬដំឡើងសម្រាប់ប្រើប្រាស់ក្នុងមុខងារផ្សេងទៀតដែលមានចែងក្នុងប័ណ្ណសន្យានេះ។ ប័ណ្ណសន្យារ៉ាប់រងមិនរាប់បញ្ចូលមូលហេតុខាងក្រៅដូចជាអគ្គិភ័យឆាបឆេះ ភ្លើងបំភ្លឺ ផលប៉ះពាល់ផ្សេងៗទៀត។ល។

ហេតុអ្វីចាំបាច់ត្រូវការសេវាធានារ៉ាប់រងលើករណីចោរគាស់?

ប័ណ្ណសន្យារ៉ាប់រងលើករណីចោរគាស់ ផ្តល់នូវសំណងហិរញ្ញវត្ថុជាថ្នូរនឹងការបាត់បង់ ឬការខូចខាតទ្រព្យសម្បត្តិដែលមាននៅក្នុងបរិវេណរបស់លោកអ្នកដែលបណ្ដាលមកពីអំពើចោរកម្មចូលគាស់យកទ្រព្យសម្បត្តិទាំងនោះ។

តើសេវាកម្មនេះធានារ៉ាប់រងលើអ្វីខ្លះ?

ប័ណ្ណសន្យារ៉ាប់រងលើករណីចោរគាស់របស់ ហ្វតតេ ធានាលើអចលនទ្រព្យដែលមាននៅក្នុងបរិវេណ ឃ្លាំងស្តុក/ទំនិញ ដែលជាកម្មសិទ្ធិរបស់លោកអ្នក ឬ ការផ្ដល់ទំនុកចិត្តឲ្យមើលការខុសត្រូវ និង/ឬគណៈកម្មការជាដើម។ សេវាកម្មនេះក៏ធានាចំពោះសាច់ប្រាក់ របស់ទ្រព្យមានតម្លៃ មូលបត្រដែលរក្សាទុកនៅក្នុងប្រអប់សុវត្ថិភាព ឬសាច់ប្រាក់ចាក់សោនៅក្នុងទូដែក តាមសំណើជាក់លាក់។

ប័ណ្ណសន្យារ៉ាប់រងនេះ ធានារ៉ាប់រងចំពោះទ្រព្យសម្បត្ដិការពារការបាត់បង់/ការខូចខាតដោយសារករណីចោរគាស់ចូលផ្ទះ ឬអគារជាដើម។ សេវាកម្មនេះ ក៏ធានាចំពោះការខូចខាតនៅក្នុងបរិវេណរបស់លោកអ្នកដែលបង្កឡើងដោយក្រុមចោរក្នុងអំឡុងពេលប៉ុនប៉ងលួចគាស់ចូលផងដែរ។ ប័ណ្ណសន្យានេះ ទូទាត់សម្រាប់ការបាត់បង់/ខូចខាតជាក់ស្ដែងចំពោះទ្រព្យសម្បត្តិដែលមានធានារ៉ាប់រងរបស់លោកអ្នកបង្កឡើងដោយចោរគាស់ចូលផ្ទះ ឬអគារ ដែលមានកំណត់ក្នុងការធានារ៉ាប់រងសរុប។

នៅក្នុងប័ណ្ណសន្យារ៉ាប់រងនេះ ក៏មានការផ្តល់ជូនមួយ ដើម្បីធានាចំពោះវត្ថុសម្ភារធំដុំលើមូលដ្ឋាន "ការបាត់បង់ដំបូង” ដែលជាភាគរយនៃស្តុករក្សាដែលចាត់ទុកថាអាចងាយប្រឈមនឹងហានិភ័យបាត់បង់ដោយសារអំពើចោរគាស់។

សេវាធានារ៉ាប់រងលើហានិភ័យរបស់ក្រុមហ៊ុនម៉ៅការ និងសំណង់ ត្រូវបានបង្កើតឡើងដើម្បីផ្ដល់ជូននូវការធានាគ្រប់ហានិភ័យក្នុងអំឡុងពេលសាងសង់តាមដំណាក់កាលនៃកិច្ចសន្យាការងារចំពោះការបាត់បង់ ឬខូចខាតទ្រព្យសម្បត្តិ និងសំណងចំពោះតតិយជនក្នុងករណីមានការរងរបួសដោយចៃដន្យឬ បង្កការខូចខាតទ្រព្យសម្បត្តិដែលទាក់ទងជាមួយនឹងការអនុវត្តកិច្ចសន្យា និងករណីផ្សេងៗលើសពីនេះទៀតដែលមិនបានរាប់បញ្ចូល។

យើងមានបំណងផ្តល់ជូននូវសមត្ថភាពដឹកនាំ និងត្រួតពិនិត្យជាក់ស្ដែងលើការធានារបស់ក្រុមហ៊ុនជើងសារ ហានិភ័យវិស្វកម្ម និងបណ្តឹងទាមទារ។

ការធានារ៉ាប់រងនេះ អាចរៀបចំសម្របសម្រួលជូនដូចខាងក្រោម៖

• ការធ្វើតេស្តប្រតិបត្តិការ និងការផ្ដល់កម្រៃ
• ពន្យារពេលការចាប់ផ្តើម
• ផ្ទេរទំនិញពីឃ្លាំងស្ដុកសំខាន់ៗ
• សម្ភារបរិក្ខារ និងគ្រឿងចក្ររបស់ក្រុមហ៊ុនម៉ៅការ
• ការទទួលខុសត្រូវលើតតិយជន (ទីតាំងក្រៅពី អាមេរិក / កាណាដា / អូស្ត្រាលី)
• ការធានាជួសជុលថែទាំ
• តម្លៃសេវាជំនាញវិជ្ជាជីវៈ
• ការចំណាយលើការពន្លឿនការងារ

ស្របពេលវេលាដើរលឿនពីមួយថ្ងៃទៅមួយថ្ងៃ គ្រឿងចក្រ និងគ្រឿងម៉ាស៊ីនសាងសង់របស់លោកអ្នកធ្វើការពេញកម្លាំងលើគម្រោងការដ្ឋានរបស់លោកអ្នក។ ខណៈពេលដែលលោកអ្នកគិតតែផ្ដោតលើការសម្រេចការងារឲ្យចប់ទាន់ពេលវេលាកំណត់ លោកអ្នកអាចភ្លេចគិតដល់ហានិភ័យមួយចំនួនដែលលោកអ្នកត្រូវតែដឹងអំពីគ្រោះថ្នាក់ការងារ ការប៉ះទង្គិចគ្នា ការក្រឡាប់ អគ្គិភ័យឆាបឆេះ ចោរលួច ចោរគាស់ និងគ្រោះថ្នាក់ធម្មជាតិដូចជាគ្រោះរញ្ជួយដី និងទឹកជំនន់ជាដើមអាចកើតឡើងគ្រប់ពេលវេលា។ ការការពារអាជីវកម្មលោកអ្នកកុំឲ្យមានការខាតបង់លើកត្តាចៃដន្យទាំងនេះជាមួយការធានារ៉ាប់រងពេញលេញសម្រាប់គ្រឿងចក្រ និងគ្រឿងម៉ាស៊ីនសាងសង់របស់លោកអ្នកជាមួយប័ណ្ណសន្យារ៉ាប់រងគ្រឿងចក្រ និងគ្រឿងម៉ាស៊ីនសាងសង់របស់ក្រុមហ៊ុនម៉ៅការរបស់ ហ្វតតេ ។

តើសេវាធានារ៉ាប់រងនេះមានការធានាលើអ្វីខ្លះ?

សេវាធានារ៉ាប់រងនេះជាប័ណ្ណសន្យារ៉ាប់រងគ្រប់ហានិភ័យ សម្រាប់សម្ភារៈសំណង់របស់លោកអ្នកដែលត្រូវរងការខូចខាតអន្តរាយនៅការដ្ឋានសំណង។ ប័ណ្ណសន្យារ៉ាប់រងនេះ ជាមូលដ្ឋានប្រើប្រាស់សម្រាប់ការបាត់បង់រាងកាយសម្បទាដោយចៃដន្យ ឬការខូចខាតសម្ភារបរិក្ខារដោយសារមូលហេតុខាងក្រៅ។ សម្ភារបរិក្ខារអាចនៅកន្លែងការងារ ឬទុកចោល ហើយប័ណ្ណសន្យារ៉ាប់រងនេះ ក៏អាចធានាលើគ្រឿងបរិក្ខារម៉ាស៊ីនក្នុងអំឡុង បានរុះរើ ដំឡើង ឬផ្លាស់ប្តូរគ្រឿងបន្លាស់តាមតម្រូវការគម្រោងការនេះ។ ឧទាហរណ៍សម្រាប់រោងចក្រ និងគ្រឿងម៉ាស៊ីនដែលអាចធានាក្រោមគោលការណ៍ប័ណ្ណសន្យារ៉ាប់រង ត្រូវបានផ្ដល់ជូនដូចខាងក្រោម៖

• ម៉ាស៊ីនកិនពង្រាបផ្លូវថ្នល់
• ម៉ាស៊ីនក្រាលផ្លូវកៅស៊ូ ឬបេតុង
• ម៉ាស៊ីនស្ទូច
• ម៉ាស៊ីនរំញ័រ
• ច្រវាក់យោង ទម្ពក់រ៉ក
• រោងចក្របង្កើតថាមពល
• ម៉ាស៊ីនបូមលាយស៊ីម៉ងត៍
• ម៉ាស៊ីនអេស្កាចូក និងអេស្កាកាយ
• ម៉ាស៊ីនឈូសឆាយ

ជារៀងរាល់ថ្ងៃ បុគ្គលិក និងនាយកគ្រប់គ្រងក្រុមហ៊ុនតែងសម្រេចចិត្តថា បញ្ហាតិចតួចប៉ះពាល់មិនយូរទេចំពោះភាពជោគជ័យរបស់ក្រុមហ៊ុន និងអាជីពការងាររបស់ខ្លួន ។ ការសម្រេចចិត្តទាំងនេះនាំឲ្យមានហានិភ័យនៃវិវាទបុគ្គល និងសំណងហិរញ្ញវត្ថុគ្មានដែនកំណត់ ដែលបណ្ដាលឲ្យវាក្លាយជាបន្ទុកផលវិបាករបស់ពួកគេ។

ថ្មីៗនេះបញ្ហាវិវាទបុគ្គលនេះ បានកើនឡើងក្នុងអត្រាមួយដែលគួរឱ្យព្រួយបារម្ភ ហើយនិន្នាការនេះបានបង្ហាញថាគ្មានសញ្ញាថយចុះនៅឡើយ ខណៈច្បាប់ថ្មីត្រូវបានអនុម័ត ទាំងនៅជុំវិញតំបន់អាស៊ី និងអន្តរជាតិ។ បញ្ហាដែលលោកអ្នកប្រឈម គឺត្រូវរក្សាមូលដ្ឋានទំនាស់វិវាទដែលជាបញ្ហាលំបាកបំផុតមួយបង្កើតជាប្រភពបញ្ហាកើនឡើងមិនធ្លាប់មាន៖

• ភាគទុនិក
• បុគ្គលិក
• ក្រុមបរិស្ថាន
• ស្ថាប័នបញ្ញត្តិ
• ម្ចាស់បំណុល
• ដៃគូប្រកួតប្រជែង
• អតិថិជន និង
• អ្នកផ្គត់ផ្គង់។

យើងទទួលស្គាល់ពេញលេញចំពោះតម្រូវការដើម្បីការពារ នាយកគ្រប់គ្រង និងបុគ្គលិករបស់លោកអ្នកពីផលប៉ះពាល់នេះ។ យើងដឹងច្បាស់ពីសារៈសំខាន់នៃការផ្ដល់ជូននូវការការពារទំនួលខុសត្រូវលើការគ្រប់គ្រងបានល្អបំផុត ដែលអាចធ្វើទៅបាន។ ប្រវត្តិស្នាដៃ បទពិសោធ និង ភាពជាអ្នកដឹកនាំក្នុងវិស័យឧស្សាហកម្មរបស់យើង រួមបញ្ចូលគ្នាដើម្បីផ្តល់ជូននូវសេវាធានារ៉ាប់រងប្រកបដោយភាពច្នៃប្រឌិតបំផុត និងទូលំទូលាយសម្រាប់នាយកគ្រប់គ្រង និងបុគ្គលិករបស់លោកអ្នក។

គ្រឿងបរិក្ខារអេឡិចត្រូនិក គឺជាកត្តាសំខាន់មួយនៃសកម្មភាពវិជ្ជាជីវៈប្រចាំថ្ងៃ។ សព្វថ្ងៃគ្មានសហគ្រាសណាដែលមិនពឹងផ្អែកលើប្រព័ន្ធអេឡិចត្រូនិកដើម្បីបំពេញនូវតម្រូវការចាំបាច់សម្រាប់ប្រតិបត្តិការរបស់ខ្លួនឡើយ។ គ្រឿងឧបករណ៍អេឡិចត្រូនិកមានតម្រូវការនិងលក្ខណៈពិសេសជាក់លាក់។ ដោយសារតែការទាមទារការធានាការពារពេញលេញរបស់វា បានជំរុញឲ្យក្រុមហ៊ុន ហ្វតតេ ណែនាំជូននូវប័ណ្ណសន្យារ៉ាប់រង "ហានិភ័យសម្ភារបរិក្ខារអេឡិចត្រូនិក " នេះដែលត្រូវបានបង្កើតឡើងដើម្បីធានាការពារហានិភ័យគ្រប់ប្រភេទទាក់ទងនឹងសម្ភារបរិក្ខារ និងគ្រឿងម៉ាស៊ីនអេឡិចត្រូនិកដោយគិតចាប់ពីឧស្សាហកម្មដល់បច្ចេកវិទ្យាព័ត៌មានវិទ្យា ក៏ដូចជាចាប់តាំងពីការប្រើប្រាស់វេជ្ជសាស្រ្ត រហូតដល់វិស័យទូរគមនាគមន៍ជាដើម។ល។

តើសេវាធានារ៉ាប់រងនេះមានការធានាលើអ្វីខ្លះ?
ប័ណ្ណសន្យារ៉ាប់រងនេះ ផ្ដល់នូវវិសាលគមឥតដែនកំណត់ក្នុងការធានា ដែលនេះគឺជាសេវាធានារ៉ាប់រងលើហានិភ័យណាមួយ ហើយក៏ជាប់ទាក់ទិននឹងគ្រប់ករណីបាត់បង់ដោយមិនអាចស្មានទុកជាមុនបានផងដែរ លើកលែងតែករណីទាំងឡាយដែលមិនបានរាប់បញ្ចូល (និងបញ្ជាក់ច្បាស់លាស់នៅក្នុងប័ណ្ណសន្យារ៉ាប់រងនេះ) ។

កម្មវិធីជាមូលដ្ឋាន និង/ឬ ផ្នែកបន្ថែម នឹងធានាចំពោះការខូចខាតដោយសារអគ្គិភ័យ រន្ទះ សៀគ្វី ផ្សែង ម្រែងភ្លើង ការរញ្ជួយដី សំណើម បាតុភូតអាកាសធាតុនិងទឹកភ្លៀង ការបែកបាក់ ការគ្រប់គ្រងមិនដិតដល់ ចោរលួចជាដើម។ ទ្រព្យទុនធានារ៉ាប់រង ត្រូវតែ គណនាទូទាត់ក្នុងតម្លៃជំនួសឲ្យគ្រឿងឧបករណ៍ដែលមានធានារ៉ាប់រង ពោលគឺតម្លៃ គ្រឿងម៉ាស៊ីនជំនួសថ្មី ដែលមានសមត្ថភាព និងប្រភេទដូចគ្នានឹងគ្រឿងម៉ាស៊ីនចាស់ដែលខូច ឬបាត់បង់។

"ហានិភ័យសម្ភារបរិក្ខារអេឡិចត្រូនិក" ក៏ផ្ដល់ជូនជាការធានាមូលដ្ឋានបន្ថែមទៀតផងដែរចំពោះ៖
ក. ប្រព័ន្ធផ្សព្វផ្សាយទិន្នន័យខាងក្រៅ សម្រាប់តម្លៃ និងការចំណាយដើម្បីកត់ត្រារក្សាទិន្នន័យទាំងនោះឡើងវិញម្តងទៀត។
ខ. បង្កើនតម្លៃការងារ រួមទាំងការចំណាយជួលប្រព័ន្ធកុំព្យូទ័ររហូតដល់ការជួសជុលគ្រឿងម៉ាស៊ីនដែលធានារ៉ាប់រងនេះបញ្ចប់រួចរាល់ដែលអាចឲ្យសហគ្រាសបន្ដប្រតិបត្ដិការរបស់ខ្លួនបាន។

តើអ្វីជាសេវាធានារ៉ាប់រងលើភាពស្មោះត្រង់បុគ្គលិក?
សេវាធានារ៉ាប់រងលើភាពស្មោះត្រង់បុគ្គលិក ជាប័ណ្ណសន្យារ៉ាប់រងមួយដែលបង្កើតឡើងដើម្បីធានាសងជំងឺចិត្ត (និយោជក) ចំពោះការបាត់បង់សាច់ប្រាក់ ឬទ្រព្យសម្បត្តិ ដែលបណ្ដាលមកពី សកម្មភាពក្លែងបន្លំ ការលួចកិបកេង ឬភាពមិនស្មោះត្រង់របស់បុគ្គលិកក្នុងនាមបំពេញតួនាទីការងារ។

ហេតុអ្វីចាំបាច់ត្រូវការសេវាធានារ៉ាប់រងលើភាពស្មោះត្រង់បុគ្គលិក?
ក្រុមហ៊ុនផ្សេងៗបានរងផលប៉ះពាល់ខាតបង់ហិរញ្ញវត្ថុធ្ងន់ធ្ងរជារៀងរាល់ឆ្នាំដោយសារតែអំពើឧក្រិដ្ឋទុច្ចរិតដែលប្រព្រឹត្តដោយបុគ្គលិកផ្ទាល់ ហើយចំពោះបញ្ហានេះ មានរបាយការណ៍បញ្ជាក់ថា អំពើកិបកេងបន្លំ នៅកើនឡើងគួរកត់សម្គាល់។ រួមផ្សំជាមួយនឹងកំណើននៅក្នុងការប្រើប្រាស់ទិន្នន័យ និងការផ្ទេរទ្រព្យសម្បត្តិតាមអេឡិចត្រូនិក ការរំលោភសេចក្ដីទុកចិត្តប្រឈមចំពោះនិយោជក កំពុងកើនឡើងយ៉ាងខ្លាំង។

សេវាធានារ៉ាប់រងលើភាពស្មោះត្រង់បុគ្គលិក តែងត្រូវបានក្រុមហ៊ុនស្វែងរកនិងត្រូវការខ្លាំងបំផុត ដែលបុគ្គលិកច្រើនតែបណ្តាលឱ្យមានការបាត់បង់ហិរញ្ញវត្ថុ ដោយសារបញ្ហាពួកគេកាន់សាច់ប្រាក់ ស្តុក ឬទ្រព្យសម្បត្តិផ្សេងទៀត។ ការខាតបង់ដ៏ធំដែលអាចកើតឡើងដោយសារភាពស្មោះត្រង់របស់បុគ្គលិកនេះ ជាពិសេសកើនឡើងតាមរយៈបទល្មើសលួចទិន្នន័យតាមកុំព្យូទ័រ ធ្វើឱ្យនិយោជកទាំងនោះត្រូវប្រឈមហានិភ័យដែលតម្រូវឲ្យពួកគេត្រូវការប្រើប្រាស់សេវាធានារ៉ាប់រងលើភាពស្មោះត្រង់របស់បុគ្គលិកសម្រាប់ជាមធ្យោបាយគ្រប់គ្រងហានិភ័យ។

តើសេវាធានារ៉ាប់រងនេះមានការធានាលើអ្វីខ្លះ?
ការធានារ៉ាប់រងដែលផ្តល់ជូនរួមទាំងសំណងសម្រាប់ការខាតបង់ដែលបណ្ដាលមកពី៖

• ភាពមិនស្មោះត្រង់
• ការលួចកេងបន្លំ
• ការបាត់បង់ទ្រព្យសម្ភារ
• ការបាត់បង់ប្រាក់កម្ចី ឬពាណិជ្ជកម្ម

ចេតនាល្មើសរបស់បុគ្គលិកដើម្បីបានផលប្រយោជន៍ហិរញ្ញវត្ថុផ្ទាល់ខ្លួន។ រាល់ការលួចទ្រព្យសម្បត្ដិដោយការកេងបន្លំតាមកុំព្យូទ័រ និងការបន្លំលួចប្រាក់ពីគណនីផ្ទេរប្រាក់ដែលមានធានារ៉ាប់រងនៅក្នុងស្ថាប័នហិរញ្ញវត្ថុ ក៏ត្រូវបានទទួលសំណងជំងឺចិត្តផងដែរ។ លើសពីនេះទៀត ការចំណាយថ្លៃការពារក្ដី ការកាត់ក្ដី និងការទូទាត់ផ្សេងៗ នៅត្រូវបានរៀបចំជូនតាមរយៈលក្ខខណ្ឌនៃកិច្ចសន្យា។

តើអ្វីជាសេវាធានារ៉ាប់រងគ្រោះអគ្គិភ័យ?
មិនថានៅផ្ទះក្ដី ឬកន្លែងអាជីវកម្មក្ដី លោកអ្នកប្រហែលជាបានវិនិយោគដោយចំណាយទាំងពេលវេលា ការខិតខំប្រឹងប្រែង និងថវិកអស់ច្រើនសន្ធឹកសន្ធាប់ទៅលើទ្រព្យកម្មសិទ្ធិរបស់លោកអ្នក។ សេវាធានារ៉ាប់រងគ្រោះអគ្គិភ័យនឹងការការពារទ្រព្យសម្បត្ដិ និងការវិនិយោគរបស់លោកអ្នកពីការបាត់បង់ ឬការខូចខាតដោយសារគ្រោះអគ្គិភ័យ រន្ទះ និងទឹកជំនន់ជាដើម។

តើប័ណ្ណសន្យារ៉ាប់រងរបស់ហ្វតតេ អាចផ្តល់អត្ថប្រយោជន៍អ្វីខ្លះដល់ខ្ញុំ?
ប័ណ្ណសន្យារ៉ាប់រងអគ្គិភ័យរបស់ ហ្វតតេ ផ្ដល់ជូនលោកអ្នកច្រើនលើសពីការំពឹងទុកដូចជា៖

• ការវាយតម្លៃហានិភ័យ និងការការពារ
• ការវាយតម្លៃអចលនទ្រព្យលម្អិត
• ក្រុមហ៊ុនត្រួតពិនិត្យហានិភ័យធានារ៉ាប់រងដែលឯករាជ្យ​ និងមានលក្ខណះអន្តរជាតិ

តើសេវាធានារ៉ាប់រងនេះមានការធានាលើអ្វីខ្លះ?

ការទទួលយកធានារ៉ាប់រងជាមួយក្រុមហ៊ុន ហ្វតតេ នឹងអាចឱ្យអ្នកបន្តអាជីវកម្មរបស់ខ្លួនបានយ៉ាងរលូន ទោះបើទទួលរងការខូចខាតដោយសារអគ្គិភ័យ ឬគ្រោះថ្នាក់ផ្សេងទៀតក៏ដោយ។ យើងផ្តល់ជូននូវការធានារ៉ាប់រងសម្រាប់ផ្ទះល្វែង គេហដ្ឋាន ឬអគារការិយាល័យរបស់លោកអ្នក។ ប័ណ្ណសន្យារ៉ាប់រងអគ្គិភ័យរបស់លោកអ្នក ក៏អាចបន្ថែមវិសាលភាពធានាលើប្រការផ្សេងៗ ដូចជាគ្រឿងសង្ហារឹម គ្រឿងតាំងលម្អអចិន្រ្តៃយ៍ ឧបករណ៍ប្រើប្រាស់ ផលប៉ះពាល់ដល់បុគ្គល គ្រឿងម៉ាស៊ីន និងសម្ភារបរិក្ខារ និងឃ្លាំងស្តុកវត្ថុធាតុដើមផងដែរ។

តើប័ណ្ណសន្យារ៉ាប់រងនេះធានាបានចំពោះតែគ្រោះអគ្គិភ័យប៉ុណ្ណោះមែនទេ?
ទេ ប័ណ្ណសន្យារ៉ាប់រងអគ្គិភ័យស្ដង់ដារពីក្រុមហ៊ុន ហ្វតតេ អាចការពារទ្រព្យសម្បត្ដិលោកអ្នកពីការខូចខាតដែលបង្កឡើងដោយ៖

• អគ្គិភ័យ
• រន្ទះ ឬ
  
• គ្រោះថ្នាក់ផ្សេងៗបន្ថែមទៀតដូចជា៖
  • ​ការផ្ទុះ
  • រញ្ជួយដី
  • កុបកម្ម និងកូដកម្ម
  • ការខូចខាតដោយចេតនាព្យាបាទ
  • ទឹកជំនន់
  • ការខូចខាតដោយការប៉ះពាល់ពីយានយន្ត
  • ផលប៉ះពាល់ដោយយន្តហោះធ្លាក់
  • ការផ្ទុះបំពង់ទឹកជាដើម

អត្ថប្រយោជន៍សំខាន់ៗ

តើអ្វីជាសេវាធានារ៉ាប់រងលើការសម្រាកព្យាបាលនៅមន្ទីរពេទ្យ និងការវះកាត់?

ប័ណ្ណសន្យារ៉ាប់រងលើការសម្រាកព្យាបាលនៅមន្ទីរពេទ្យ និងការវះកាត់ អាចជួយលោកអ្នកក្នុងការទូទាត់ចំណាយទាំងស្រុង ឬដោយផ្នែក ចំពោះការវះកាត់ និងការព្យាបាលដែលមានតម្លៃថ្លៃ។ ចាប់ពីការពិគ្រោះជំងឺមុនព្យាបាល រហូតដល់ក្រោយព្យាបាល គម្រោងសេវាធានាដ៏ទូលំទូលាយដែលយើងផ្តល់ជូន ធានាថាលោកអ្នកនឹងត្រូវបានធានាដោយចំណាយត្រឹមតែ 12សេនប៉ុណ្ណោះក្នុងមួយថ្ងៃ។

    
ការធានាមានលក្ខណៈទូលំទូលាយ
ការធានារ៉ាងរងលើការសម្រាកព្យាបាលនៅមន្ទីរពេទ្យ និងការវះកាត់ របស់យើង ផ្ដល់នូវការធានាការពារ 24ម៉ោងក្នុងមួយថ្ងៃ 365ថ្ងៃក្នុងមួយឆ្នាំ នៅគ្រប់ទីកន្លែងទូទាំងពិភពលោក មិនថាលោកអ្នកកំពុងធ្វើការ នៅផ្ទះ ឬវិស្សមកាលក៏ដោយ។

តើមានការធានាលើអ្វីខ្លះ?
លោកអ្នកនឹងត្រូវបានធានាលើវិក្កយបត្រព្យាបាលនៅមន្ទីរពេទ្យជាក់ស្ដែង ដែលលោកអ្នកត្រូវបង់ថ្លៃពេលសម្រាកព្យាបាលនៅមន្ទីរពេទ្យដោយសារជំងឺ ឬគ្រោះថ្នាក់។ សេវាធានារ៉ាប់រងនេះ ទទួលខុសត្រូវលើថ្លៃបន្ទប់សម្រាកព្យាបាល (រហូតដល់ទៅ 90ថ្ងៃ) ការវះកាត់ ពិគ្រោះយោបល់ ការថែទាំជំងឺ (រហូតដល់ 20ថ្ងៃ) ព្រមទាំងការចំណាយក្រោយការព្យាបាល (រហូតដល់ទៅ 90ថ្ងៃ) ។

តើមានអត្ថប្រយោជន៍ពិសេសអ្វីខ្លះសម្រាប់ការទទួលយកសេវាធានារ៉ាប់រងរបស់ ហ្វតតេ?

ក្នុងនាម ហ្វតតេ យើងគិតដល់ផាសុកភាពរបស់លោកអ្នកជាចម្បង។ លោកអ្នកអាចទទួលប្រយោជន៍ពីមន្ទីរពេទ្យទំនើបឈានមុខចំនួន 9 ដែលជាដៃគូដ៏ជិតស្និទ្ធរបស់យើង នៅក្នុងប្រទេសកម្ពុជា ដែលធានាផ្ដល់នូវសេវាសុខភាពប្រកបដោយគុណភាពខ្ពស់ និងទំនុកចិត្តដល់លោកអ្នក។ លើសពីនេះទៀតប័ណ្ណសន្យារ៉ាប់រងរបស់ ហ្វតតេ ក៏បានផ្ដល់បន្ថែមជូនលោកអ្នកដូចជា៖

• ភាពងាយស្រួលទៅកាន់មន្ទីរពេទ្យ
• ទូទាត់ចំណាយសាច់ប្រាក់សម្រាប់ថ្លៃបន្ទប់សម្រាកព្យាបាល
• ធានាលើសុខភាពមាត់ធ្មេញ
• ការព្យាបាលសង្គ្រោះបន្ទាន់

ទ្រព្យកម្មសិទ្ធិលោកអ្នកប្រឈមនិងហានិភ័យ ដូច្នេះវាជាទំនួលខុសត្រូវរបស់លោកអ្នក

ជាក់ស្ដែង រាល់អាជីវកម្ម និងស្ថាប័ននានា ដំណើរការបានដោយមានទីតាំងត្រឹមត្រូវ ដែលអាចជាអគារការិយាល័យ សណ្ឋាគារ ផ្សារទំនើប ឬរោងចក្រ។ មិនថាអាជីវកម្មធំឬតូចទេ ទ្រព្យកម្មសិទ្ធិរបស់អ្នកអាចប្រឈមនឹងហានិភ័យដោយឧប្បត្តិហេតុដូចខាងក្រោម៖

• គ្រោះថ្នាក់ដោយសារព្យុះ ទឹកជំនន់ អគ្គិភ័យ ការផ្ទុះ...
• ការបាត់បង់ចំណូលអាជីវកម្ម (បាត់បង់ប្រាក់ចំណេញ)

ដោយមិនគិតពីទំហំ និងភាពស្មុគស្មាញ សេវាធានារ៉ាប់រងលើអចលនទ្រព្យ គឺជាកត្តាចាំបាច់សម្រាប់អាជីវកម្មទាំងអស់។ រាល់សហគ្រាសពាណិជ្ជកម្ម ឬឧស្សាហកម្ម ត្រូវការធានាការពារចំពោះការខូចខាតមិននឹកស្មានដល់ ការខាតបង់ និងការអាក់ខានអាជីវកម្មដោយកត្តាណាមួយ។

យើងផ្តល់ជូនសម្រាប់អាជីវកម្មលោកអ្នកនូវសេវាធានារ៉ាប់រងដ៏ទូលំទូលាយដើម្បីការពារធានាចំពោះការបាត់បង់ មិនថាដោយផ្ទាល់ពីករណីជាក់លាក់ ឬ ដោយប្រយោលដែលបណ្ដាលមកពីការអាក់ខានអាជីវកម្មជាដើម។
សេវាធានារ៉ាប់រងប្រកបដោយគុណភាពរបស់យើង មិនមែនពង្រីកបែបសាមញ្ញដើម្បីគ្រាន់តែធានារ៉ាប់រងទ្រព្យសម្បត្តិលោកអ្នកនោះទេ។ យើងផ្តល់ជូនអតិថិជនរបស់ខ្លួននូវកម្រិតសេវាកម្មគ្មានគូប្រៀប ទាំងមុន និងក្រោយទទួលយកសេវាធានារ៉ាប់រង និងដំណោះស្រាយចំពោះការគ្រប់គ្រងហានិភ័យ ដែលគ្រប់យ៉ាងត្រូវបានគាំទ្រធានាដោយភាពខ្លាំងនៃហិរញ្ញវត្ថុរបស់ក្រុមហ៊ុន ហ្វតតេ។

ខណៈដែលបញ្ហាធានាចំពោះការខាតបង់នានាផ្អែកលើទ្រព្យសកម្មជាក់ស្ដែង វាជាផលវិបាកមួយសម្រាប់អាជីវកម្មដែលបាត់បង់នេះ ដែលអាចបណ្ដាលឲ្យមានការបាត់បង់ចំណូល និងប្រាក់ចំណេញជាបន្តបន្ទាប់ដោយសារតែការអាក់ខានដំណើរសកម្មភាពអាជីវកម្ម។ សេវាធានារ៉ាប់រងលើការបាត់បង់ប្រាក់ចំណេញរបស់យើង ផ្ដល់នូវដំណោះស្រាយដើម្បីកាត់បន្ថយការខាតបង់នេះ។

ការធានានេះ ប្រតិបត្តិរួមជាមួយនឹងប័ណ្ណសន្យារ៉ាប់រងអគ្គិភ័យ ឬប័ណ្ណសន្យារ៉ាប់រងលើហានិភ័យឧស្សាហកម្ម ដើម្បីធានាចំពោះការបាត់បង់ប្រាក់ចំណេញដែលបណ្ដាលមកពីការអាក់ខានក្នុងដំណើរអាជីវកម្មដែលមានធានារ៉ាប់រងដោយសារគ្រោះថ្នាក់ដែលមានធានារ៉ាប់រងក្រោមប័ណ្ណសន្យារ៉ាប់រងអគ្គិភ័យ និងគ្រោះថ្នាក់ផ្សេងៗ ឬប័ណ្ណសន្យារ៉ាប់រងហានិភ័យឧស្សាហកម្ម។

តើអ្វីជាសេវាធានារ៉ាប់រងលើការដឹកជញ្ជូនទំនិញ?

ការដឹកជញ្ជូនផ្ទេរទំនិញរបស់លោកអ្នកចាប់ពីចេញពីរោងចក្រទៅដល់គោលដៅចុងក្រោយ លោកអ្នកនឹងអស់ក្ដីបារម្ភជាមួយការធានារ៉ាប់រងទំនិញពីក្រុមហ៊ុនធានារ៉ាប់រង ហ្វតតេ។ មិនថាការដឹកជញ្ជូនទំនិញរបស់លោកអ្នកតាមរយៈមធ្យោបាយផ្លូវអាកាស ផ្លូវទឹក (សមុទ្រ) ឬ ផ្លូវគោកក្ដី សេវធានារ៉ាប់រងលើការដឹកជញ្ជូនទំនិញ ធានាចំពោះហានិភ័យជាច្រើនដូចជាការបាត់បង់ ឬការខូចខាតជាដើម។ ដូច្នេះប្រសិនបើការការបាត់បង់ត្រូវបានធានាហើយនោះ លោកអ្នកនឹងទទួលបានសំណងទាំងស្រុងយោងតាមលក្ខខណ្ឌនៃការធានារ៉ាប់រង។

ដោយសារវិស័យពាណិជ្ជកម្មក្នុងស្រុក និងអន្ដរជាតិមានការបង្រីកយ៉ាងឆាប់រហ័ស ការជួញដូរចល័តទំនិញនាពេលបច្ចុប្បន្ននេះ កំពុងក្លាយជាភាពស្មុគស្មាញកាន់តែខ្លាំងឡើង។ ការពារទំនិញរបស់លោកអ្នកដែលត្រូវដឹកជញ្ជូនដើម្បីចៀសវាងកើតមានបញ្ហាដោយប្រការណាមួយជាយថាហេតុ។

តើសេវាធានារ៉ាប់រងនេះមានការធានាលើអ្វីខ្លះ?

សេវាធានារ៉ាប់រងលើការដឹកជញ្ជូនទំនិញរបស់យើងខ្ញុំ ផ្ដល់នូវការធានាស្ទើរតែគ្រប់ប្រភេទសម្រាប់សម្ភារបរិក្ខារទំនិញ គោលដៅ និងមធ្យោបាយដឹកជញ្ជូន។ យើងទទួលស្គាល់ថាលក្ខណៈអាជីវកម្មរបស់លោកអ្នកមានចំណុចពិសេសពិសេសផ្ទាល់ខ្លួន ហើយយើងផ្តល់ជូនលោកអ្នកនូវភាពបត់បែនក្នុងការបង្កើតវិសាលភាពធានាដែលសមស្របតាមតម្រូវការរបស់លោកអ្នក។ ការធានារ៉ាប់រងដ៏ទូលំទូលាយ ផ្ដល់ជូនទាំងគ្រោះថ្នាក់ធំៗដូចជាក្នុងពេលមាន អគ្គិភ័យ ចោរកម្ម ការប៉ះទង្គិចគ្នា ការផ្ទុះ ទឹកជំនន់ និងរន្ទះជាដើម។ អ្នកជំនាញធានារ៉ាប់រងល់ើការដឹកជញ្ជូនទំនិញរបស់យើងដែលពោពេញទៅដោយបទពិសោធ នឹងធ្វើការយ៉ាងជិតស្និទ្ធជាមួយលោកអ្នកដើម្បីបង្កើតសេវាធានារ៉ាប់រងមួយដែលសក្ដិសមនឹងអាជីវកម្ម និងថវិការបស់លោកអ្នក។

តើមានអត្ថប្រយោជន៍ពិសេសអ្វីខ្លះសម្រាប់ការទទួលយកសេវាធានារ៉ាប់រងរបស់ ហ្វតតេ?

• ភ្នាក់ងារពិនិត្យវាយតម្លៃ បណ្ដាយទូទាំងពិភពលោក
• សេវាធានារ៉ាប់រងដ៏ជំនាញ

Medi +  ផ្តល់នូវការធានារ៉ាបរងដ៏ទូលំទូលាយសម្រាប់រាល់ការចំណាយព្យាបាលដែលចាំបាច់ទាំងអស់រួមការព្យាបាលនៅក្នុងមន្ទីរពេទ្យ និងការព្យាបាលនៅខាងក្រៅ ការបញ្ជូនទៅសង្គ្រោះបន្ទាន់ សុខភាពផ្លូវចិត្ត ដែលស្ថិតក្នុងគម្រោងសេវាកម្មស្ដង់ដារជាមួយសំណងធានារ៉ាប់រងសរុបរហូតដល់ 2.500.000ដុល្លារ​អាមេរិក។ លោកអ្នកអាចបន្ថែមជម្រើសធានារ៉ាប់រងផ្សេងទៀតក្នុងគម្រោងសេវាធានារបស់លោកអ្នករួមទាំងអត្ថប្រយោជន៍ទាក់ទងនឹងមាតុភាព សុខុមាលភាព ទន្តសាស្ត្រ និងចក្ខុសាស្ត្របានផងដែរ។ សម្រាប់អ្វីដែលកាន់តែធ្វើឲ្យស្ងប់ចិត្តថែមទៀតនោះគឺក្នុងករណីសង្គ្រោះបន្ទាន់ ក៏មានសេវាបញ្ជូន តាមយន្តហោះ ឬរថយន្ត នាំទៅសង្គ្រោះនៅមន្ទីរពេទ្យទំនើបដែលនៅជិតបំផុត។ សំបុត្រយន្តហោះទៅមក ក៏មានផ្ដល់ជូនអ្នកអមដំណើរផងដែរ។

• អាស៊ីប៉ាស៊ីហ្វិកផ្ល័ស - ការធានាកម្រិតស្ដង់ដារនៅក្នុងតំបន់អាស៊ីប៉ាស៊ីហ្វិក និងការសង្គ្រោះបន្ទាន់នៅទូទាំងពិភពលោក
• អន្តរជាតិផ្ល័ស - ការធានាកម្រិតស្ដង់ដារគ្រប់បណ្តាប្រទេសទាំងអស់ (លើកលែងសហរដ្ឋអាមេរិក) និងការសង្គ្រោះបន្ទាន់នៅទូទាំងពិភពលោក
• ទូទាំងពិភពលោក - ការធានាគ្រប់ប្រទេសទាំងអស់

លោកអ្នកអាចបន្ថែមសេវាធានារ៉ាប់រងសម្រាប់ប្តី ឬប្រពន្ធ និងកូនដែលមានសិទ្ធិ ព្រមទាំងជ្រើសរើសចំនួន Deductables ដើម្បីទទួលបានសេវាបញ្ចុះតម្លៃបុព្វលាភ ឬ Zero deductable ដើម្បីទទួលបានភាពស្ងប់ក្នុងចិត្ត។ សម្រាប់សេវាជាក្រុមធំ លោកអ្នកអាចទទួលបានដំណោះស្រាយប្រកបដោយភាពបត់បែនដើម្បីបំពេញតាមតម្រូវការស្ដែង និងទំហំវិសាលភាពក្រុមរបស់លោកអ្នក។

• អត្ថប្រយោជន៍ធានារ៉ាប់រងសុខភាពបុគ្គល និងជាក្រុម

• ទឹកប្រាក់សំណងរហូតដល់ 2.500.000ដុល្លារអាមេរិក ក្នុងមួយឆ្នាំដោយគ្មានកំណត់ពេលវេលា

• ការធានារ៉ាប់រងទាំងការព្យាបាលនៅមន្ទីរពេទ្យ និងនៅក្រៅមន្ទីរពេទ្យ

• ថ្លៃគ្រូពេទ្យមើលការខុសត្រូវ

• ថ្លៃពិនិត្យពិសោធន៍ និង អ៊ិច-រេយ៍

• ថ្នាំតាមវេជ្ជបញ្ជា

• លក្ខខណ្ឌជំងឺរ៉ាំរ៉ៃ (ជំងឺលើសឈាម, ជំងឺទឹកនោមផ្អែម ។ល។)

• ជំងឺគ្រោះថ្នាក់ធ្ងន់ធ្ងរ (ជំងឺមហារីក ជំងឺដាច់សរសៃឈាមខួរក្បាល ជំងឺគាំងបេះដូង ការវះកាត់ប្តូរសរីរាង្គ)

• ការធានារ៉ាប់រងលើសុខភាពផ្លូវចិត្ត

• ការធ្វើមាតុភូមិនិវត្តន៍ និងការថែទាំស្នាក់នៅ

• ការព្យាបាលដោយចលនា

• ការធានារ៉ាប់រងលើជំងឺអេដស៍ / មេរោគអេដស៍

• ការបញ្ជូនទៅសង្គ្រោះបន្ទាន់ និងសេវាដឹកជញ្ជូនតាមយន្តហោះ

• អត្ថប្រយោជន៍ការថែទាំមាតានិងទារក
• សុខុមាលភាព
• ទន្តសាស្ត្រ
• ចក្ខុសាស្ត្រ
• សង្គ្រាម

Medi + ផ្ដល់ជូនលោកអ្នកនូវភាពស្ងប់ក្នុងចិត្តដែលអ្នកត្រូវការ។ វាគឺជាសេវាធានារ៉ាប់រងសុខភាពជាមួយនឹង ផ្ល័ស ទាំងអស់។

• សេវាធានារ៉ាប់រងទូលំទូលាយ
• សេវាបត់បែនបំពេញតាមតម្រូវការលោកអ្នក
• ការទូទាត់ពុំចាំបាច់មានសាច់ប្រាក់នៅតាមបណ្តាញមន្ទីរពេទ្យដៃគូយើងខ្ញុំ
• សេវាកម្មផ្នែកវេជ្ជសាស្រ្ត 24ម៉ោង
• មានមន្ទីរពេទ្យជាង 750.000កន្លែង ទូទាំងពិភពលោក

សម្រាប់ព័ត៌មានបន្ថែម សូមទូរស័ព្ទមកលេខ 023 885 077 ឬ អ៊ីម៉ែល mediplus@forteinsurance.com ។ ដាក់ពាក្យស្នើសុំសេវា Medi + លោកអ្នក ថ្ងៃនេះ!
ទាញយកខិត្តប័ណ្ណ Medi +  (ជាទម្រង់ PDF)
ទំនាក់ទំនងសម្រាប់ព័ត៌មាន

ក្រុមហ៊ុនធានារ៉ាប់រង ហ្វតតេ (កម្ពុជា) ភីអិលស៊ី
# 325, មហាវិថីម៉ៅសេទុង
ប្រអប់សំបុត្រលេខ 565 រាជធានីភ្នំពេញ ប្រទេសកម្ពុជា
ទូរស័ព្ទលេខ៖ 1800 21 1800 (ឥតគិតថ្លៃនៅកម្ពុជា)
mediplus@forteinsurance.com​ (ផ្នែកលក់)

សេវាគាំពារវេជ្ជសាស្ត្រ Medi +
MSH China Enterprise Services Co.,Ltd.
ទូរស័ព្ទលេខ៖ 1800 21 1800 (ឥតគិតថ្លៃនៅកម្ពុជា)
ទូរស័ព្ទ៖ +86 21 6187 0456 (នៅក្រៅប្រទេសកម្ពុជា)
ទូរសារ៖ +86 21 6160 0153
mediplus@mshchina.com (ផ្នែកគាំពារ)
www.mshchina.com

ក្រុមហ៊ុនធានារ៉ាប់រង ហ្វតតេ ជាក្រុមហ៊ុនធានារ៉ាប់រងមុនគេបង្អស់នៅក្នុងប្រទេសកម្ពុជា ផ្តល់នូវសេវាកម្មធានារ៉ាប់រងជាទីទុកចិត្ត និងទូលំទូលាយ។ ជាមួយក្រុមការងារជំនាញខាងធានារ៉ាប់រងដែលមានការលះបង់ខ្ពស់ ហ្វតតេ បានផ្តល់នូវសេវាកម្ម និងផលិតផលកម្រិតខ្ពស់ប្រកបដោយភាពច្នៃប្រឌិតដើម្បីបំពេញតាមតម្រូវការរបស់អតិថិជន។

MSH China ទទួលពានរង្វាន់ក្រុមហ៊ុនផ្ដល់សេវាកម្មល្អបំផុតប្រចាំឆ្នាំក្នុងវិស័យធានារ៉ាប់រងនៅអាស៊ី លើកទី17 ឆ្នាំ2013។ នេះគឺជាសមិទ្ធផលដែលមានការទទួលស្គាល់សម្រាប់គំនិតផ្ដួចផ្ដើមជាច្រើន ដែល MSH China បានត្រួសត្រាយដំបូងគេលើទីផ្សារធានារ៉ាប់រងសុខភាពដើម្បីផ្តល់នូវជម្រើសកម្រិតខ្ពស់ ភាពងាយស្រួល និងការអនុវត្តសេវាកម្មល្អបំផុត បន្តផ្តល់ជូនអតិថិជននូវការថែទាំព្យាបាលសុខភាពដែលមានគុណភាពខ្ពស់បំផុត។

MSH China គឺជាសមាជិកនៃ MSH អន្តរជាតិ ដែលជាក្រុមហ៊ុនឈានមុខលំដាប់ពិភពលោកមួយដែលបានបង្កើតឡើង និងគ្រប់គ្រងរៀបចំផលិតផលសេវាកម្មធានារ៉ាប់រងសុខភាពអន្តរជាតិជាមួយបណ្តាញក្រុមហ៊ុនផ្តល់សេវាកម្មសកលដ៏ធំបំផុតមួយ។ MSH ផ្តល់នូវគម្រោងសេវាកម្មប្រកបដោយគុណភាពសម្រាប់បុគ្គល និងកម្មវិធីដែលមានភាពបត់បែនតាមតម្រូវការជាក្រុម។ ក្រុមហ៊ុននេះបម្រើអតិថិជនជាង 2000 ក្រុមហ៊ុន នៅទូទាំងពិភពលោកដែលអ្នកប្រើប្រាស់ធានារ៉ាប់រងជាង 300.000នាក់ នៅក្នុងប្រទេសចំនួន194។ ជាមួយនឹងវិញ្ញាបនបត្រ ISO 9001: 2008 ការអនុវត្តលើគ្រប់គ្រងត្រូវបានកំណត់ស្តង់ដារ និងជំរុញឲ្យកាន់តែប្រសើរឡើងដោយឆ្លងកាត់បណ្ដាញអន្តរជាតិសកលដើម្បីធានាគុណភាពក្នុងការបម្រើសេវាកម្ម និងបន្តអភិវឌ្ឍកែលម្អដើម្បីបំពេញចិត្តរបស់អតិថិជន។

ប័ណ្ណសន្យារ៉ាប់រងនេះធានាចំពោះការខាតបង់ប្រាក់ដោយសារអំពើប្លន់ ឬចោរលួច ខណៈដែល៖

•  ក្នុងការផ្ទេរពីបរិវេណរបស់លោកអ្នក ទៅកាន់ធនាគារ និងត្រឡប់មកវិញ
• នៅក្នុងបរិវេណរបស់លោកអ្នកក្នុងអំឡុងម៉ោងធ្វើការ
• នៅក្នុងបរិវេណរបស់លោកអ្នកនៅក្នុងបន្ទប់រឹងមាំ/ចាក់សោសុវត្ថិភាព ក្រៅម៉ោងធ្វើការ
• នៅក្នុងដៃរបស់បុគ្គលិកជាន់ខ្ពស់ / បុគ្គលិកទទួលបានការអនុញ្ញាតពីក្រុមហ៊ុន
• តែមពន្ធអាករថ្លែសេវាកម្ម និងNHIF និងប័ណ្ណបោះត្រា ព្រមទាំងប្រព័ន្ធម៉ាស៊ីនបោះត្រាសុវត្ថិភាព
• ការខូចខាតបន្ទប់សុវត្ថិភាព

ដំណើរការអាជីវកម្មប្រេងឥន្ធនៈ និងឧស្ម័ន គឺមិនមែនជាកិច្ចការងាយស្រួលទេ។ ការត្រួតពិនិត្យមើលគ្រឿងសម្ភារ និងឧបករណ៍ខួងប្រេង ការវាយតម្លៃល្អត្រឹមត្រូវ ការគ្រប់គ្រងបុគ្គលិក និងការអនុវត្តតាមបទប្បញ្ញត្តិចេញពីរាជរដ្ឋាភិបាល គឺពោរពេញទៅដោយបញ្ហាធំៗ។ ខណៈពេលដែលលោកអ្នកត្រូវដឹងថាលោកអ្នកត្រូវបានការបារក្នុងករណីដំណើរការខុស ដោះស្រាយករណីណាមួយក្នុងចំណោមករណីជាច្រើនដែលអាចជាឧបសគ្គគំរាមកំហែងដល់កិច្ចប្រតិបត្ដិការរបស់លោកអ្នក គឺជាជម្រើសអាទិភាពដំបូងរបស់លោកអ្នក។

ក្នុងនាម ហ្វតតេ យើងយល់ថា នឹងអាចជួយធានារ៉ាប់រងដោះអំរែកបញ្ហាពីលើស្មារបស់លោកអ្នកបាន។ ការប្រើប្រាស់ចំណេះដឹងដ៏ស៊ីជម្រៅក្នុងឧស្សាហកម្មប្រេងឥន្ធនៈ និងឧស្ម័ន និងការយល់ដឹងពីទឹកចិត្តប្តេជ្ញារបស់លោកអ្នកដើម្បីការអនុវត្តក្នុងលក្ខខណ្ឌពិសេស យើងបានបង្កើត និងអភិវឌ្ឍផលិតផលស្របតាមតម្រូវការពិសេសរបស់លោកអ្នកផ្ទាល់។ ផលិតផលទាំងនេះត្រូវបានចែកចាយតាមរយៈភ្នាក់ងារលក់រាយ និងក្រុមហ៊ុនឈ្មួញកណ្តាលលក់ដុំធំៗដែលមានជំនាញក្នុងអាជីវកម្មនេះ។

ការធានារ៉ាបរងលើប្រេងឥន្ធនៈ និងឧស្ម័នរបស់យើង គឺអាចប្រើបានចំពោះអតិថិជនច្រើនប្រភេទគ្រប់ទំហំអាជីវកម្ម រួមបញ្ចូលទាំងប្រតិបត្តិការដែនគោក និងដែនសមុទ្រ ដោយផ្តោតលើការរុករករ៉ែ និងផលិតកម្ម។

ប័ណ្ណសន្យារ៉ាប់រងនេះ ត្រូវបានបង្កើតឡើងសម្រាប់អគារនានាដែលមានទ្វារកញ្ចក់ បង្អួចកញ្ចក់ បន្ទះកញ្ចក់ និងការបង្ហាញផលិតផលផ្ទាំងកញ្ចក់។
ប័ណ្ណសន្យារ៉ាប់រងនេះ ផ្តល់នូវសំណងដល់ការធានារ៉ាប់រងចំពោះការបាត់បង់ និង / ឬ ការបំផ្លាញ / ការខូចខាត ផ្ទាំងកញ្ចក់ដែលកើតឡើងដោយគ្រោះថ្នាក់ ឬឧបទ្ទវហេតុដោយចៃដន្យ។ មានជម្រើសជាច្រើនសម្រាប់ដំណោះស្រាយ រាប់ទាំងការជំនួសកញ្ចក់ដែលបែក យោងតាមការរៀបរាប់ខាងលើ ឬទូទាត់សំណងដែលមានតម្លៃស្មើនឹងតម្លៃសរុបនៃកញ្ចក់ដែលបែក ក្នុងពេលបាត់បង់ បំផ្លាញ ឬ បំបែកសម្រាប់ជាតម្លៃធានារ៉ាប់រង។ ការធានារ៉ាបរងអាចរៀបចំសម្រាប់កញ្ចក់ខុទ្ទកាល័យ សញ្ញាបង្ហាញ កញ្ចក់ជាប់នឹងជញ្ជាំង និងកញ្ចក់ខណ្ឌចែកនៅលើបរិវេណ។
ផ្នែកបន្ថែមលើសពីនេះក៏នៅមាន៖

• ការធ្វើកូដកម្ម និងកុបកម្ម
• ការរៀបស៊ុម ឬគម្រោង

ការការពារផ្នែកហិរញ្ញវត្ថុ ទទួលបានូវការចំណាយដ៏ត្រឹមត្រូវ

យើងធ្វើអ្វីមួយជាមួយវិជ្ជាជីវៈខ្ពស់ ដូចលោកអ្នក

អត្ថប្រយោជន៍ចម្បង

ការធានារ៉ាប់រងសំណងវិជ្ជាជីវរបស់ ហ្វត​ តេ ផ្ដល់ជូនការការពារដល់អ្នកឯកទេសការងារលើប្រាក់សំណងក្នុងការចំណាយ និងការខួចខាត នូវចំនួនទឹកប្រាក់ដែលសមរម្យ និងស្របច្បាប់ទៅកាន់ភាគីទី ៣ ដែលកំពុងតែជួបប្រទះបញ្ហាហិរញ្ញវត្ថុដោយសារតែការផ្វេសប្រហែសលើវិជ្ជាជីវៈរបស់អ្នកដែលបានទទួលខុសត្រូវ ឬជានិយោជករបស់ពួកគេ។

អត្ថប្រយោជន៍បន្ថែម

កម្មវិធីសេវាកម្មបានផ្ដល់ជូនសម្រាប់ភ្នាក់ងារផ្សព្វផ្សាយពាណិជ្ជកម្ម សេវាកម្មកុំព្យូទ័រនិងអ្នកអភិវឌ្ឍផ្នែក Software អ្នកប្រឹក្សាទីផ្សារ អ្នកបោះពុម្ពផ្សាយ ភា្នក់ងារសម្រាប់ជួល អ្នកស្ទង់បរិមាណ អ្នកអប់រំ ទីប្រឹក្សាផ្នែកគ្រប់គ្រង អង្គភាពហិរញ្ញវត្ថុ និងមុនជំនាញផ្សេងទៀត។

សម្រាលបន្ទុករបស់អ្នក ឱ្យនៅតិចបំផុត

យើងជួយថែរក្សារអតិថិជនរបស់លោកអ្នក

អត្ថប្រយោជន៍ចម្បង

ហ្វត​ តេ​ មានសេវាកម្មធានារ៉ាប់រងលើទំនួលខុសត្រូវសាធារណៈ និងផលិតផល​​ដែលផ្តល់ជូននូវការការពារក្នុងការប្រឆាំងតវ៉ាជាមួយការទាមទារសំណង ឬបណ្ដឹងពីភាគី ឬបុគ្គលទី៣ ដែលកើតចេញពីការបង្ករបួសស្នាមលើរាងកាយ ការខូចខាតទ្រព្យសម្បត្ដិ និង របួសផ្ទាល់ខ្លួនបង្កឡើងនៅទីតាំង ការប្រតិបត្ដិការងារ និង/ឬ ប្រតិបត្ដិការដែលបានបញ្ចប់រួចហើយ។

អត្ថប្រយោជន៍បន្ថែម

• មានរាប់បញ្ចូលទាំងថ្លៃការការពារក្ដីដោយស្របច្បាប់
• គោលការណ៍អាចត្រូវបានចុះជាធរមានដើម្បីដាក់បញ្ចូលនូវសិទ្ធអំណាចក្នុងការកាន់កាប់ និងធ្វើសេចក្ដីសម្រេច
• សេវាកម្មអាចត្រូវបានរៀបចំដោយមានរាប់បញ្ចូលទាំង កន្លែងចតរថយន្ដដែលមានឧបករណ៍សង្រ្គោះបឋម​​ ជណ្ដើរយន្ដ ឧបករណ៍លើក​​​ និងស្ទូចដូចជា ផ្ទាំងផ្សាយពាណិជ្ជកម្ម សកម្មភាពសង្គម និងកីឡារ ដំណើរកម្សាន្ដក្រៅស្រុករយៈពេលខ្លី និងការទទួលខុសត្រូវជួលដី ឬផ្ទះដែលនៅក្នុងចំណោមអ្នកផ្សេងទៀត។

ដើរកម្សាន្ដជាមួយសេចក្ដីពេញលេញ

គ្រប់យ៉ាង យើងជួយអ្នក ឱ្យដំណើរការល្អជានិច្ច

អត្ថប្រយោជន៍ចម្បង

សេវាកម្មធានារ៉ាប់រងលើការធ្វើដំណើររបស់ ហ្វត តេ ផ្ដល់ជូននូវសេវាកម្មជាច្រើនករណីដើម្បីជួយដោះស្រាយរាល់បញ្ហាដែលអាចកើតឡើងក្នុងកំឡុងដំណើរកម្សាន្ដក្រៅស្រុករបស់លោកអ្នក​ ដែលរាប់ចាប់ពី​ ការលុបចោលជើងហោះហើរ បាត់បង់សម្ភារ ចោរកម្ម​ រហូតដល់ករណីគ្រោះថ្នាក់ មានជំងឺ និងការចំណាយផ្សេងៗទៀត។

អត្ថប្រយោជន៍បន្ថែម

• ទទួលបានការផ្ដល់ជូនថ្លៃចំណាយដែលទាក់ទងទៅនឹងការជម្លៀសខ្លួនជាបន្ទាន់ពេលមានអាសន្ន និងការនាំត្រលប់មកវិញនូវរបស់ដែលនៅសល់
• ផ្តល់ជូនសិទ្ធទាមទារសំណងក្នុងករណីមានពិការភាពជាអចិន្រ្ដៃយ៍ ឬស្លាប់​ ក្នុងកំឡុងពេលធ្វើដំណើរ
• រាប់បញ្ចូលទាំងដំណើរកំសាន្ដផ្ទាល់ខ្លួនក្នុងតំបន់ក្នុងកំឡុងពេល ឬភ្លាមៗបន្ទាប់ពីដំណើរកម្សាន្តបែបមុខជំនួញ